右耳聽力永久受創 林子祥搵仔傍實再踏紅館

撰文：東方新地 圖片：新傳媒圖片

林子祥搵仔 傍實再踏紅館

2003年5月3日，林子祥擔任汪明荃演唱會嘉賓，在演唱〈男兒當自強〉期間，因為升 降台過早降落失足跌進深八呎的洞底。當時頭部遭受嚴重撞擊，右耳骨碎裂腦現血塊，並 一度昏迷被送入院，更住足三晚深切治療部。事後雖然康復進度理想、又四處拜訪國外耳 疾專家求醫，兩年後亦再次復出紅館舞台，不過右耳聽力永久受損、長期受耳鳴困擾，平 時需要用助聽器、上台亦要用特製耳機調校音量，更表示最遺憾係聽力從立體聲變單聲 道，從此冇得享受聽靚聲，知情者說：「早前阿Lam以為助聽器失靈，原來係右耳又差 咗，依家聽嘢更加辛苦，有時都會忟憎。」好彩耳疾和高齡亦無阻阿Lam對音樂的熱誠和 歌迷的熱愛，相隔三年，日前又開紅館個唱！

一連五場《林子祥 Lamusical 2019 演唱會》上周五在紅館揭開序幕，71歲阿Lam依然唱得又有號召力，表面上未受耳疾 影響，實際卻有苦自己知。

聽力和體力大不如前，林子祥於是巧妙以音樂劇串連整晚演出，整晚粗重功夫交由兒子林德信和後輩歌手代勞。今次開騷林德信無論幕後定台前都係大功臣，亦因為他最清楚爸爸身體和聽力狀況，全程留心照料。

舞台劇代替危險機關

汲取上次受傷經驗，加上年事已高，去年又患上哮喘咳足半年，開騷前阿Lam注重 保暖、勤食維他命、又定時打高爾夫球鍛鍊和保養身體，開會籌備今次五場演唱會內容 時，亦講明一套衫著足全場、杜絕任何舞台機關以防意外，又以音樂劇形式串連整晚表 演，而主演音樂劇的，正是兒子林德信和後輩歌手小肥及胡琳三人。大部分粗重功夫由囝 囝林德信代勞，全晚有親生仔傍實，安心安全之餘，亦係完美方式將個人音樂事業交棒至 兒子手上。對於聽力受損對演唱會表現的影響，樂天知命的阿Lam早前接受訪問時亦表示 歌迷毋須擔心：「 2003年跌倒，跟住2004年已習慣戴ear mon 走埠開騷。有的人打仗沒了 一隻腳，一樣照去走路啦，我已經很幸運，那次意外沒有更大的受傷，覺得是上天給一條 路我去行。」而事實亦都證明，五晚演唱會阿Lam把靚聲同獨有舞台魅力仲喺度！

雖然莎莉葉蒨文冇份上台表 演，但她為阿Lam 的個唱付出甚多，首 場全程在控制台睇 實，非常著緊。

熟人幫拖

事隔三年，今次阿Lam再於紅館開騷，除咗搵兒子林德信外，所託亦都是林珊珊、鄭丹瑞等熟人。

受傷16年

03年擔任汪明荃演場會嘉賓時意外跌落台陷入昏迷，當年妻子莎莉第一時間趕到場陪入院，阿Lam就住足三晚ICU才終於轉去普通病房。

樂得清靜

自爆受傷後要長期帶助聽器、右 耳長期受耳鳴困擾，事實上一向 愛靜又低調，阿 Lam 獨自外出亦 樂得清靜索性唔戴助聽器。

為保養身體和為演唱會準備，阿 Lam 表示平時注重保暖又保持運動，早前本刊就發現天氣微涼都 穿羽絨的林子祥一個人在銅鑼灣 行文具店。