【網民圍插】麥明詩前度林作抽水話要著「記者衫」 香港攝影記者協會發聲明指責

撰文：KC ｜ 圖片：林作Facebook、麥明詩Instagram

林作FB「記者衫」論遭網民圍攻

林作於8月3日在個人Facebook發文，直言「好想著記者衫，喺示威區自出自入，頗為過癮。」又以佢「前大律師身份」表示「可以隨便冒記者」，暗寸現場有人扮記者影警察。言論一出隨即遭到大量網民圍攻，認為林作開記者玩笑不妥當，鬧他「不尊重記者」、「多名專業記者受傷留院，仲拎來講笑」更有網民認為「條友唔靠啲啲「懶好笑」嘅言論點刷存在感呀？」

及後，林作發文疑嘗試解釋及表達立場，指「我支持真記者。請一齊踢走假記者！」網民指他是表達方式不對，要考慮香港人感受。

麥明詩疑間接回應事件

作為林作前女友，麥明詩事後亦在IG更新了即時動態，疑回應林作的「記者衫論」，請大家唔好關注一個用記者講笑嘅人：「唔好tag我喇。請大家關注記者嘅狀況，而唔係一個joke about記者嘅人」

林作於8月6日繼續發文回應事件指「香港Facebook邏輯，係要好企邊嘅。」以下為林作原文：

我明白了 – 好多人根本冇睇我寫咩，淨係知我講記者，又唔係直線支持，咁就代表我插佢地啦。

香港攝影記者協會發聲明指責

除了麥明詩，在8月5日林作發文後，香港攝影記者協會亦發聲明，表示「網上有言論稱『好想著記者衫，喺示威區自出自入，頗為過癮。』並指冒認記者並無風險，變相鼓勵市民以身試法，本會對事件表示極度遺憾，促請有關人仕收回言論。」翌日林作引用聲明發長文回應指認為自己言論毫無問題，拒絕收回，並「希望該協會人士明白我對他們只有尊敬，沒有半點冒犯意思。」林作回應聲明，指收到由自己記者朋友發出有關假記者出現的消息，因此他「實際上是根據此事進行曲線諷刺如此湊熱鬧之搞事份子」於長文結尾他指「對此次言論獲關注表達最真切的大惑不解」又話為表歉意，將為因衝突產生的法律問題提供免費個人意見諮詢。

林作回應後，又再引來網民圍攻。網民指他「引起民憤」、「真係咁掂就宜家做緊大律師」林作本人就反撃表示「我今日成就過過你班讀書人好多」，更力言「鄙視讀書」！

以下為部分網民留言：

你引起民憤，請你搞清楚，唔係因為你的政見或者你所謂的笑話，係你個種以為自己好有成就讀書了不起既態度！⋯⋯你係真係咁惦既，就宜家都仲做緊大律師，讀完書又唔想捱，你去到邊個地方都唔會得到別人的尊重。