李若彤、郭可盈、萬綺雯5字頭仍然fit到漏！盤點圈中半百美魔女

原文刊於《東方新地》

李若彤54歲

要數圈中最強美魔女，頭三甲實有李若彤份。堪稱史上最入型入格小龍女，25年後嘅姑姑依然仙氣。被問及保養秘訣，姑姑話好簡單：「飲暖水同勤運動。」講就容易，疫情期間見到李若彤日日喺微博示範清淡飲食，日夜操出馬甲線就知一啲都唔簡單！

宣萱50歲

2017年簽約老拍檔古天樂旗下後，宣萱再次活躍幕前。留意番，Jessica個月剛剛過咗50歲生日，fit到漏主演嘅《陀槍師姐2020》都於早前煞科，狀態不亞於全盛時期。

張可頤51歲

張可頤今年回歸幕前，與相隔十八年再拍電視劇嘅鄭中基合作ViuTV新劇《暖男爸爸》，容光煥發狀態大勇，看起來亦絕對唔似51歲。

郭可盈50歲

去年尾踏入五字頭又做埋亞視副總裁夫人，郭可盈息影十一年來一直相夫教女為主，不過都冇疏於保養，keep 到得嚟仲愈嚟愈有闊太氣質。

林憶蓮54歲

出道已經有張娃娃臉、又出名皮膚靚到吹彈即破，呢啲就叫得天獨厚喇，林憶蓮點睇都唔似今年已經54歲。與恭碩良相戀六年去年分手，憶
蓮愈活愈年輕愈活愈有仙氣，完全睇唔出與前男友年齡相差12年，身材仲 keep到好 fit。

羅霖54歲

2013年離婚，婚後獨力養大三個兒子，羅霖為供書教學一直保持戰鬥格活躍幕前和商界，2015年推出寫真《 Timeless 》紀念年滿五十，去年再出多本書分享保養和凍齡秘訣。

伍詠薇51歲

經歷過第一任丈夫離世還有現任老公偷食風波，現年51歲嘅伍詠薇卻愈活愈硬淨，反而學會珍惜眼前人又更懂愛自己，如今比起做女嗰陣時更亮麗更自信。

萬綺雯50歲

過多兩個月就滿50歲嘅萬綺雯，唔似得其他女星狂做 gym 操 fit， 天 生 瘦底麗質加上心境至上，與世無爭生活簡單享受與編劇老公陳十三嘅二人世界，亦係一種保養回春妙法。

李麗珍54歲

昔日性感女神李麗珍，並不如其他同輩美魔女勤操勤練執著體態，但美貌如昔依然咁索。

阮小儀50歲

今年尾就滿五十歲，其實加入商台做足24年DJ嘅阮小儀無論身形、外貌、聲線連髮型都同廿年前無甚分別，堪稱另類美魔女，保養有道絕對冇輸蝕畀其他同齡女星。