39歲李施嬅飛加拿大拍《Blood and Water》 全程口罩寧願捱餓
廣告
武漢肺炎殺到埋身，搞到人心惶惶，家陣個個各出奇謀做足防禦措施但求 保命！好似李施嬅咁要飛加拿大拍劇，為求自保，機程十二小時寧願捱餓，連 飛機餐都唔食，決定全程戴實口罩！
撰文、圖片：東方新地
李施嬅全程口罩防疫 寧願捱餓誓不脫罩
李施嬅上周四現身機場，準備飛到多倫多為加拿大電視劇《 Blood and Water》第3季進行拍攝。戴上口罩及黑超嘅李施嬅自言已做足準備，除咗全 身裝備仲帶埋帽、搓手液及空氣淨化機，佢話喺呢十幾粒鐘機程會盡量提高警 惕：「自己喺飛機上盡量多洗手，順便可以減肥唔食嘢，一覺瞓十幾個鐘。」 非常時期就要用非常方法啦！
《Blood and Water》講乜？李施嬅憑女殺手奪獎升呢做女主
《Blood and Water》係加拿大劇集，故事描述志向遠大的年輕偵探Josephine Bradley（Steph Song）被查出患有癌症。就在確診的當天，上級指派她調查溫哥華當地億萬富豪Li-Rong Xie（Oscar Hsu）之子Charles Xie（Osric Chau）的謀殺案。李施嬅在劇中做女殺手，憑精湛演技獲得加拿大銀幕獎最佳女配角，在新一季度的《Blood and Water》，她更升格做第一女主角！證明努力絕對有回報，離開大台發展更好！
