39歲李施嬅霸氣回巢拍《金宵2》海外攞獎威爆疫市開三大條件

May 13 2020

刀仔成功鋸大樹的無綫小本劇集《金宵大廈》，去年九月播出叫好叫座，除了被網民封為神劇，更帶挈男女主角陳山聰及李施女華一劇爆紅，孖住在上年《萬千星輝頒獎典禮》奪「最受歡迎電視拍檔」，齊齊走運變紅人，已經離巢的李施女華更加標尾會，零的突破攞埋「最受歡迎電視女角色」，上位人氣急升亦今時唔同往日，除了簽約美國經理人，衝出香港拍加拿大電視劇，已落實八月回巢無綫拍《金宵大廈2》的她，原來更開出三大條件才接拍，上位變阿姐地位唔同晒，當然可以更有Say！

撰文、圖片：東方新地

李施嬅食足十六年白果好姊妹先後做視后

相比「胡說八道」好姊妹胡杏兒、胡定欣先後成為無綫視后，李施嬅在無綫《萬千星輝頒獎典禮》卻食足十六年白果，直至離巢一刻依然與獎項無緣，去年四月約滿，她亦豁出去寧願博一鋪唔續約向外闖。不過世事無絕對，唔續約即時轉運的李施嬅，由她擔正做女一的劇集《金宵大廈》，原本只是小本製作兼安排在逢周日播出，卻因為去年台慶劇變陣，劇集打亂章推出，加上之前播出的靈異劇集《十二傳說》受歡迎，無綫決定改策略，將《金宵大廈》改在黃金時段播出，奇幻懸疑、加上貼地劇情被觀眾熱烈追捧，小品變神劇，李施嬅、陳山聰也因而齊齊上位。

憑《金宵大廈》上位人氣急升，李施嬅已今時唔同往日，除了有無綫兩大高層杜之克及樂易玲傾洽回巢，《金宵大廈》監製及編審亦指定由她擔正《金宵2》女一不作他人選，即使李施嬅霸氣開出三大條件先肯拍，無綫亦照單全收。

《金宵大廈》除了劇情鋪排引人入勝，一班演員亦個個演出有驚喜，難怪監製葉鎮輝及編審羅佩清為八月開拍的《金宵2》非常緊張，據知原班人馬將回歸演出，不過故事骨幹就會由全新角色穿插，令觀眾充滿期待。

李施嬅、陳山聰同樣在圈中多年飽歷高低，而得《金宵大廈》帶挈走紅，兩人孖住回歸拍《金宵2》相信更有默契，難怪李施嬅回巢亦指定要同好拍檔合作。

除了03年奪港姐選舉「最上鏡小姐」、「才藝小姐」外，在無綫捱足十六年的李施嬅，離巢無綫後才首度奪TVB《萬千星輝頒獎典禮》獎項，去年與楊千嬅同時拿下「最受歡迎電視女角色」，一劇吐氣揚眉。

以穿越愛情故事為主線的《金宵大廈》，去年9月播出時叫好叫座，除了李施嬅與陳山聰演活前世今生的CoCo及旭輝（ Alex及阿蕭的前世），當中在單元《鴉烏》演人母角色的高 Ling，以及在單元《嬰》演因囝囝離世而精神失常的趙希洛，演出都被網民激讚。

簽約美國經理人成搶手貨開三大條件回巢

在《金》劇演技爆發被網民推為民間視后的李施嬅，去年在無綫台慶頒獎禮以零的突破吐氣揚眉，除與陳山聰一齊攞「最受歡迎電視拍檔」，更與楊千嬅平分秋色同時奪得「最受歡迎電視女角色」，氣勢之勁是十六年來前所未有。早前簽約美國經理人的她，二月又投入拍攝加拿大電視劇《 Blood and Water 》第三季，不過三月新冠肺炎在歐洲、美加疫情加劇，劇組全面停工，李施嬅餘下約兩星期戲份仍未埋尾，成為搶手貨的她，並落實今年八月回巢無綫拍《金宵2 》，再搭陳山聰續前緣，但今次回巢，她就霸氣開出三大條件。據知情者透露：「《金宵大廈》為Selena帶來好多榮耀，佢當然想再拍續集，呢幾個月一路都同無綫傾緊合作，不過珠玉在前，上次劇中主角Alex同阿蕭前世今生故事已非常完美，再拍Selena講明要先睇劇本，加上佢同一班同劇演員合作有晒默契，仲講明要原班人馬演出，佢反而唔睇重自己嘅酬勞，但就一定要今次劇集能投放更多嘅資源，佢話呢啲係好實在嘅要求，目標係希望新的更勝從前，無綫亦答應配合佢，仲特別遷就佢檔期，將套劇延至八月底先開！等佢可以幫加拿大套劇埋咗尾先！」

成王敗寇，相比去年四月黯然離巢，一年後的李施嬅可以話到事，升呢阿姐果然非同小可！