李佳芯

螢幕初吻狂咀楊明 李佳芯留心理創傷

娛聞
東方新地

廣告

李佳芯Ali曾在無綫節目《如果這樣生活》中，談及自己獻出螢幕初吻嘅經歷。原來Ali當年喺無綫嘅處女作係《單戀雙城》，不過一開拍就要同楊明狂咀，搞到佢有心理創傷。

視后有陰影

李佳芯 李佳芯喺節目內大爆八年前嘅螢幕初吻令佢一世難忘。
李佳芯喺節目內大爆八年前嘅螢幕初吻令佢一世難忘。
李佳芯 一開拍就埋牙，雖然Ali唔係新人，不過一樣覺得唔ok。
一開拍就埋牙，雖然Ali唔係新人，不過一樣覺得唔ok。

12年由有線電視轉投無綫的李佳芯，前年憑《BB來了》成為視后，演技早獲認同嘅佢，演活過多個角色，無論邪花定新手媽媽都冇嘢難到佢，不過接吻戲呢！佢就有陰影喇！

李佳芯 Ali同心理創傷嚟形容，講時情緒仲有啲激動。
Ali同心理創傷嚟形容，講時情緒仲有啲激動。
李佳芯 Ali仲突然仰天傻笑！
Ali仲突然仰天傻笑！
李佳芯 話晒都係女仔，Ali都有矜持囉！
話晒都係女仔，Ali都有矜持囉！

Ali喺無綫YouTube頻道回顧節目《如果這樣生活》嘅短片中，談及自己獻出螢幕初吻嘅經歷，原來當年入無綫接拍第一部劇集《單戀雙城》，佢飾演一個對前男友楊明狂追猛打嘅前女友，其中一場戲係佢揸車去搵楊明表白心跡，話唔可以冇咗佢，一見面即嚟料抱住佢個頭不停地錫。

李佳芯 就係呢場戲，Ali揸車去搵楊明，當時楊明同劇中女友陳茵媺喺酒吧飲緊嘢，Ali一臉得戚。
就係呢場戲，Ali揸車去搵楊明，當時楊明同劇中女友陳茵媺喺酒吧飲緊嘢，Ali一臉得戚。
李佳芯 見到索爆前女友Ali，楊明嗒晒糖。
見到索爆前女友Ali，楊明嗒晒糖。
李佳芯 一上車就激咀，兩唇緊貼，Ali仲咀張開，真係好肉緊囉！
一上車就激咀，兩唇緊貼，Ali仲咀張開，真係好肉緊囉！

嗰場戲Ali真係做得好出色，兩位主角都咀得好肉緊，不過Ali事隔多年諗番呢件事就有微言喇！佢話一開始拍就要激咀，搞到心理創傷非常之大，話晒佢都係女仔人家，能夠以創傷嚟形容，Ali真係難以忘懷。

李佳芯 Ali咀過翻尋味，仲想同楊明復合。
Ali咀過翻尋味，仲想同楊明復合。
李佳芯 不過楊明咀完鬆，唔想同Ali復合。
不過楊明咀完鬆，唔想同Ali復合。
李佳芯 搶唔到楊明，Ali仲去搵陳茵媺搞破壞。
搶唔到楊明，Ali仲去搵陳茵媺搞破壞。
李佳芯 當年Ali演第三者真係邪味十足，演技已經好好。
當年Ali演第三者真係邪味十足，演技已經好好。

圖片來源：東方新地、TVB節目截圖

熱門文章