有錢女港姐王卓淇愛炫富三線大茄周身名牌

Apr 2 2020

廣告

來自廣州的14年港姐亞軍王卓淇，有個做護膚品生意的富爸爸，讓她可以毫無負擔去發明星夢，入行五年多只做大配角，貫徹有錢人想做就去做的作風。無工開的日子，她最愛自拍放上網，背景除了各處美景，不少更是自家豪宅，晒屋又晒身材。

撰文：東方新地、圖片：東方新地/王卓淇IG

王卓淇嬌生慣養愛炫富曾帶阿媽工人開工

王卓淇父親在東莞有50萬呎廠房經營護膚品生意，身家過億，早年更為愛女買車買樓留港發展演藝事業。早在拍攝無綫劇《果欄中的江湖大嫂》時，盛傳王卓淇拍劇愛炫富、開工有幾個跟班，三線大茄排場架勢，周身名牌，而與她對手戲最多的馮盈盈更藐爆漏口風：「佢係試過帶阿媽同工人開工！」

入行幾年間王卓淇拍過不少劇集，如《愛情食物鏈》、《我瞞結婚了》以及《果欄中的江湖大嫂》，去年在劇集《十二傳說》中聲淚俱下獨白，才稍為有發揮機會。最近拍完《逆天奇案》後未有工開。

14年王卓淇盛傳被坤哥力媾，後因男方花心而鬧情變，更公開哭訴，不過其後她又自爆有圈外男友。

王卓淇父親在東莞有50萬呎廠房經營護膚品生意，身家過億，就算不拍劇都不怕無收入。

有個富爸爸，王卓淇周身名牌也是正常的。

IG狂晒性感自拍豪宅閨房任睇

據知情者透露：「 Erin(王卓淇 )有家族生意唔做，走去搞時裝店同網店都係想滿足自己，話就話自力更生，咪又係靠屋企，你估做個普通藝員仔每個月得萬幾蚊人工，佢真係可以頂到咁奢華嘅生活？佢為咗做網紅做生招牌真係去到盡，得閒就喺屋企狂影性感相，有時啲甫士過晒火，畀人話 cheap同好似有自戀咁，不過Erin從來唔理人點睇，自我感覺良好。」

有個望海露台當然唔可以浪費，因為經常赤足晒長腿，王卓淇曾在網上被戀趾狂迷騷擾，狂私訊大讚佢啲腳趾靚，仲問可唔可以出售腳趾相。王卓淇冇驚過，仲繼續派福利。

廚房與廁所也可以變成騷身材的好地方，「趷蘿洗衫」與「黑絲吹頭」，夠晒生活化。

關鍵詞