ViuTV 《打天下》女角起底！30歲談善言跳完鋼管舞做打女、25歲王頌茵留長髮唔做「女版姜濤」
撰文：東方新地、圖片：東方新地/ViuTV截圖/歐錦棠Facebook
談善言跳完鋼管舞做打女
上月剛踏入30歲的談善言在 ViuTV 新劇《 打天下 》擔演女主角「 莊惠 」，阿談笑言這是她從影以來演過最強的一個角色：「 莊惠唔驚錯、唔驚遇上困難，只會愈錯愈勇！只要有目標佢就會不斷咁向前衝，佢嗰顆堅強嘅心真係好厲害。我絕對冇佢咁堅強，但我都好希望終有一日能夠成為佢。」談善言直言不會為自己的演出設限，但拍完今次《打天下》後， 希望有機會再做打女：「 始終喺香港同我差唔多年紀又打得嘅女演員唔多， 當畀多條路自己行。」
談善言曾在去年英皇電影《 非份熟女 》中飾演女主角阿 Sa（蔡卓妍）的舊同學兼鋼管舞導師，造型性感誘人，她笑言：「 當我第一次試衫時都好有障礙，懷疑自己到底可唔可以好有自信咁著住呢套衫，因為我覺得大家對我都冇幻想，覺得我冇女人嘅婀娜多姿。」為了演好電影《非份熟女》中鋼管舞 導師一角，談善言透露曾自費惡補鋼管舞，最終成功令觀眾眼前一亮。
王頌茵留長髮唔做「女版姜濤」
另一女角是現年25歲的王頌茵（Kathy 仔），畢業於 IVE 的珠寶設計及科技高級文憑課程，自前年開始拍 ViuTV 節目出道，近日她在 ViuTV 新劇《 打天下 》中飾演談善言（右）的好友「 善善 」，Kathy 仔笑言今次是她入行兩年以來拍劇戲份最重的一次：「 喺劇入面我係阿談嘅閨密，事無大小都要睇
住佢，就好似保母咁，我為咗要融入個角色，就不停咁同佢影相，想拉近啲大家嘅關係，影影吓，我發覺自己真係愛上咗佢！」
Kathy仔早前剪短頭髮後，被指與MIRROR成員姜濤「撞樣」，更被封為 「女版姜濤」 ，她直言覺得好尷 尬： 「我試過同姜濤合作拍廣告，佢竟然開口叫我做佢家姐，嚇到我呆一呆，跟住我就同佢講我唔係大你好多喎，之後佢就再冇提呢件事啦。」Kathy仔透露正努力留長頭髮：「希望我頭髮留長番少少之後同姜濤冇咁似樣啦，我驚佢啲粉絲打我呀！」
