陳冠希為女友秦舒培爆粗辱罵林志玲(Chiling)事件，鬧到滿城風雨！昨日Chiling經理人指陳冠希前言不對後語，暗示對方講大話！今日，秦舒培於微博貼文，表示手握錄音，證明Chiling堅係搞屎棍！

其他文章：

胡定欣宣布跟Terry分手

邱淑貞激索大女拍片唱歌

感委屈Chiling爆喊

昨日陳冠希跟林志玲分別於上海出席活動，指若Chiling唔出來交代清楚，陳就爆對方大鑊！而大感莫名嘅Chiling得知此事後，依然一頭霧水及大感委屈，終於活動上眼泛淚光，真係我見猶憐！

Chiling經理人代發聲

而Chiling經理人閻柔怡指陳冠希期間只係搵中間人打過兩次電話嚟問：「《我的新衣》是不是林志玲不讓秦舒培參加？」而閻柔怡表示兩次都回覆唔知節目單位其他選角名單，Chiling只係應邀參加，故中間溝通一定有誤會。

手握錄音 秦舒培爆大鑊？

眼見男友陳冠希寡不敵眾，身為當事人嘅秦舒培今日於微博貼文，指自己手握錄音證明Chiling係搞屎棍！不過，從其文字中顯示，秦舒培當時根本未跟內地節目《我的新衣》簽約，皆因佢仍未有期拍攝，所以人哋急住要埋班，飛走你再搵他人後補都唔出奇！不過，若然你真係有錄音為證，唔好得個講字，立即公開先俾大家一個交代仲好啦！

陳冠希：有人從中作梗

陳冠希之後於微博發功，反擊Chiling經理人閻柔怡：「一天說不認識，也沒交集，一切來得真莫名，也很冤枉，隔天就說有兩次接觸，一天一樣，你現在記得我了嗎？另外一個人一天說從來沒有想過要請她上節目，隔天就說其實有烤爐過請她上節目，到底是哪一個版本，等等，誰在熱蔓真相？誰在中間作梗？聰明的人會懂的我在說甚麼。」

全文完