25歲戴祖儀運動裝下見肥腩林穎彤「五短」身型無所遁形

Apr 15 2020

最近大家留家避炎，令電視台收視拉高，曝光率高企非戴祖儀（Joey）同林穎彤（Bella）莫屬，翡翠台、J2台輪流都見到的新一代女神Joey，同埋逢騷跳拉丁舞兼MV不停播放嘅林穎彤，除咗唱歌、拍劇，不少綜藝節目都有佢哋嘅蹤影，一個騷長腿，一個扭蛇腰，令唔少宅男對佢哋無限幻想。

撰文、圖片：東方新地

戴祖儀運動裝下見肥腩林穎彤「五短」身型無所遁形

不過早前播放的《娛樂大家10點半》中的以運動裝玩遊戲，貼身運動褲加運動bra top令戴祖儀同Bella現真身，戴祖儀下盤穩重，最嚇人是腰間唧腩，而沒有高踭和厚底鞋襯托下，Bella的五短身形無所遁形。反而今年28歲、女都3歲嘅吳若希成為全場最fit lady，手腳修長、腰間無贅肉、骨肉勻稱，人妻人母的吳若希完勝後生女戴祖儀同Bella。

呢集服裝主題係黑色晚裝，著住增高鞋的林穎彤同三名高妹拍檔平起平坐，黑衫包到冚的戴祖儀立即顯瘦，出場時安全過關。

已為人妻人母的吳若希著上運動衫，輕露纖腰，雖然毫不性感，不過卻盡騷其四肢修長，腰間無贅肉完全睇唔出生過

戴祖儀同吳若希舌戰時，戴祖儀條米芝蓮腰拍埋骨架修長的吳若希，如五花腩與西施骨之分別。

25歲的戴祖儀換走全黑晚裝，束起長髮，著上運動bra加瑜伽褲，鎖骨失蹤、胃腩加肚腩唧晒出嚟，好鬼肥美！

戴祖儀不時把外套拉下露出一邊膊頭，企圖將大家視線轉移，可惜失敗！Bella失修程度未及戴祖儀，之不過天生高度只有五呎二，著上平底波鞋，伸長雙腳都只能跟屈起腳的戴祖儀一樣長，五短身形無得呃！

吳若希為設陷阱而當眾爆戴祖儀花名叫「肥Jo」，加埋謝東閔助攻，成功惹怒戴祖儀發晦氣：「我係肥呀！」成功跌入圈套！之後Bella又爆響口指Joey開工薯片不離身！令佢唔多高興。得閒發難，加緊瘦身好過啦，夏天到啦！

前港姐冠軍陳曉華身形高䠷，加上身體柔軟程度輕易做出一字馬，贏得掌聲，只是著得密實未有騷本錢！

戴祖儀最fit時期有樣有身材棄做律師誓要入行做明星

戴祖儀在英國萊斯特大學攻讀法律系，回港後曾在律師樓實習，當上法律學徒，後來自覺不適合當律師，便決定轉行當歌手，加入星夢娛樂兩年，戴祖儀受到無綫力捧，被安排拍劇又主持節目，憑青春活力甜美外表成為新一代女神，早前她在劇集《多功能老婆》中，與周柏豪有感情線，一雙長腿令觀眾留下深刻印象，劇集其中一首插曲〈天光前分手〉亦由她主唱。

早前在劇集《多功能老婆》中飾演周柏豪女朋友，戴祖儀演技未有太大突破，當中一幕穿水著露纖腰與長腿卻非常吸睛。

24歲的戴祖儀青春就是本錢，難怪成為無綫力捧小花之一，入行前她已做兼職模特兒，不過她最大興趣是做歌手。

戴祖儀（左二）於18年獲星夢娛樂老闆何哲圖賞識，加盟成為旗下歌手，唔夠半年推出首支派台歌曲〈未開始的故事〉，在19年度勁歌金曲頒獎典禮憑《多功能老婆》插曲〈天光前分手〉獲金曲獎。

誤撻「速食王」32歲羅天宇

與羅天宇爆戀情後，戴祖儀唔多唔少感受到壓力，據知情者透露：「Joey（戴祖儀）近年上位上得快，佢形象健康又精靈，公司高層都好錫佢，點知打籃球打到同羅天宇撻著，公司都叫佢了解清楚先，唔好咁快認定，再加上男友個底花成咁，喺無綫撞口撞面都係佢啲前度，所以Joey對外唔敢認愛，亦好驚大好前途就咁冇咗，不過羅天宇對佢非常殷勤，幾乎日日管接送，係女都冧啦！」