《戰毒》周秀娜日日激咀黃宗澤「唇都腫晒」 娜姐與羅嘉良、Bosco發展三角關係

撰文、圖片：東方新地

《戰毒》周秀娜日日激咀黃宗澤

周秀娜難忘首場跟 Bosco 的對手戲，便要和對方親熱：「 當時大家都未熟悉對方，已經要拍愛情動作戲，所以係有啲尷尬，不過 Bosco 好好，未埋位時會同我傾定啲劇情，就算有身體接觸，佢都會預先話我知、好顧及對手感受，非常專業，令我喺拍攝過程感到好放心。」周秀娜跟Bosco在劇中愛得癡纏，有多場咀戲及床戲，她笑言每次都咀得十分肉緊：

「由第一日開工到最尾，幾乎每日都有咀戲，由最初錫得尷尬，到最尾已經冇晒感覺，所以我同Bosco都講笑話對方係我哋錫得最多嘅對手。」

周秀娜與羅嘉良、Bosco發展三角關係

周秀娜劇中跟羅嘉良、Bosco發展出錯綜複雜的三角關係，對於能跟「 前輩級 」的嘉良合作，周秀娜大表興奮，她說：「 今次嘉良哥演嘅角色好威嚴，但當導演一叫 Cut，佢即刻大爆幽默感，不時講笑，令成個拍攝現場氣氛都好輕鬆，而且佢好專業，事前會做足功課，喺劇本上 Mark 好多字，好值得我學習。」