34歲戚黛黛下月同細佢兩年嘅副機師男友Calvin到意大利古堡舉行婚禮，恭喜晒！一對準新人到時將邀請80位親友到意大利一同分享喜悅，港姐出身嘅戚黛黛姊妹團份量十足，有陳茵媺、曹敏莉、李施嬅、朱凱婷等前港姐，張嘉兒因要生B，所以唔會飛，而戚黛黛妹妹則任伴娘。

其他文章：

孝感動天！《城寨英雄》林穎彤血手指救父

《城寨英雄》變態夏滿施暴前隊生雞蛋

婚紗相曝光

一對準新人已一早影好婚紗相，多個造型都充滿浪漫氣氛，而身為副機師嘅Calvin就以型仔機師look上陣，黛黛說：「一路都想影韓國style嘅婚紗相，又咁啱搵到個贊助有韓風嘅studio。」至於會否為穿婚紗節食減肥，黛黛笑言：「呢個一向都keep住做緊，結婚梗係要減啦，依家身型都OK㗎，哈哈。」

兩地補擺酒

另外，因為由於未婚夫Calvin父母都喺多倫多，所以去完意大利結婚後，之後會分別於香港及多倫多補擺喜酒。黛黛表示依家心情開始有啲緊張，不過好在同未婚夫有商有量冇嗌交！

先享受二人世界

今年5月Calvin喺峇里沙灘上向黛黛求婚，黛黛一口答應！至於當時去峇里係咪預支蜜月兼造人，依家是否奉子成婚，黛黛表示：「冇，肚腩就有，哈哈。不過，我同Calvin都諗住快啲生，我年紀都差唔多，但唔係話有就有嘅，過住二人世界先，生BB順其自然。」

全文完