32歲張秀文被丁子朗「篤波」唔反感 34D咪神大玩制服誘惑
撰文、圖片：東方新地
張秀文玩制服誘惑扮日本娃娃
平日最鍾意出招拋奶嘅張秀文，喺今次節目中轉型玩制服誘惑，扮女僕、學生妹、忍者之餘，仲著埋和服扮日本娃娃，喺冇得晒「 胸器 」嘅情況下，張秀文惟有拉低啲同著短啲，務求晒膊兼騷腿攞分！
由於每集都會邀請嘉賓玩遊戲，而張秀文見親男嘉賓都會表現得特別興奮，喺洪永城、袁偉豪、何廣沛等人面前跳跳紮寧舍開心，就算之前被丁子朗唔小心打中個胸，張秀文都只會大笑，完全冇尷尬冇嬲，事後仲話：「 咁小事，我都唔記得咗。」好大方啫！唔知係咪甩拖一年dry dry 哋，見佢每次見親男嘉賓都特別賣力兼興奮，小心好似黃心穎咁辣著件人夫玩出火呀！
同場加映：那些年張秀文姣過的男孩們
曾被封「無綫新一代咪神」的34D張秀文 (Sammi)，感情生活一向都多姿多彩。早年與前經理人仇耀斌(Victor)拍拖七年，已經正式分手，冇男友管住晒，張秀文再度開放單身市場之餘，更勤派奶收兵，仲曾越級挑戰楊怡老公羅仲謙！
張秀文戀上經理人仇耀斌 講心唔講金但難敵七年之癢
10年選港姐獲亞軍的張秀文，出道不久已憑著34D強勁「胸器」加甜美笑 容，在無綫節目以三點式施展一招「胸壓水泡」，俘虜無數宅男成為無綫咪神，裙下之臣雖眾多，包括曾傳出有珠寶大王力追，但她卻心有所屬，情傾「亞洲鋼門」 仇志強之子仇耀斌(Victor)，二人經常低調拍拖並共賦同居多年，不時被影到以「一家三口」姿態偕愛犬「太郎」出巡，惟二人一直未公開承認戀情。
夜會尹子維 張秀文傾到除衫降溫
同男友仇耀斌都未正式分手，就俾人影到與尹子維在酒吧撐枱腳，二人全程四目交投明顯「過 電」，仲愈傾愈投契，張秀文傾到要除皮褸「降溫」，白色貼身衫下令豐滿身材呼之欲出，又不時報以甜笑。對於最近尹子維跟內地咪神徐冬冬陷冷戰，張秀文表示與對方約會不怕被指「小三」？她重申只是傾合作，說到發展空間則說：「答唔到你，從來冇諗呢樣嘢。」
張秀文介入「龔水戀」 累呂慧儀張景淳冷戰
呂慧儀即使沐浴愛河亦保留一線，始終唔想因為自己戀情影響兒子生活，本來仍是試用期的張景淳，今年九月被踢爆暗冧電視城姣精張秀文，事件傳到呂慧儀耳中，兩人感情陷入冷戰。男方被踢爆暗冧姣精張秀文，令二人戀情告急，好彩冧女有一手的 Stanley（張景淳），已經氹掂呂慧儀信任，早前甜蜜過聖誕！
姣挑人夫羅仲謙 楊怡掃狐捍夫親自監場
楊怡與羅仲謙早前為無綫劇《木棘證人》開工，角色周旋於女神張曦雯與尤 物張秀文之間，雙張合璧車輪戰，血氣方剛的謙謙，少啲定力分分 鐘中招。 當謙謙遇上逢仔媾擁導彈身材的張秀文，雖然心中有怡意念堅 定，但張秀文主動姣挑，不時在拍攝現場挨身挨勢借意親近，謙謙 表面迴避卻暗生歡喜，有傳令楊怡打爛醋埕，曾現身電視城監 場，親自出馬掃狐捍夫。
尤物愛集郵 派奶收兵無停手
張秀文憑驕人 34D魔鬼身材，俘虜不少宅男，由於性格與身材同樣熱情惹火，每次出席公開場合又喜歡集郵，所 以被指喜歡放電及收兵。
