張家輝講「渣渣輝」紅爆網絡 原來背後有苦衷
古天樂「輪胎能」紅極一時
講開「煲冬瓜」，雖然唔算難學，但要真正講得純正就好有難度，特別對母語係廣東話嘅香港人來說真係唔簡單，就好似古天樂上次喺廣告入面盡哂力，都講得太有廣東腔，搞到「輪胎能」成為一時佳話。
張家輝「渣渣輝」紅爆網絡
張家輝為內地網絡遊戲拍攝廣告，誰不知廣告一出街就大件事了，張家輝喺廣告入面以廣東腔普通話介紹自己：「大家好，我是渣渣輝…」小編就聽過星戰入面有個角色叫「jar jar binks」(譯音：渣渣兵) 而家睇怕會多個「渣渣輝」，今次張家輝簡直接向古天樂的「輪胎能」挑機呀！
「渣渣輝」有苦衷
家輝四出為自導自演作品《低壓槽》宣傳時，就透露當日講成「渣渣輝」係有苦衷的！原來當日家輝患感冒，狀態奇差累到就死，仲要全日冇停過係咁拍呢樣拍嗰嘢，所以就搞成咁啦！不過家輝表示如果大家叫得開心，又覺得呢個名比較親切的話，其實佢都冇咩所謂的！
