52歲張可頤為「親生女」事隔30年再唱歌 19歲女新人來頭不少

Apr 3 2020

唔知大家仲記唔記得有隊女子組合叫PP Gals呢？大大話話成三十年前，原來張可頤都係成員之一，相信大家都忘記咗佢係唱歌出身！演得又唱得嘅張可頤，最近開咗間製作及經理人公司，簽咗個19歲美籍華裔新人陳涵林(Karen)，為咗呢個「親生女」，張可頤再度出山開金口同佢合唱國語歌〈風給的約定〉，仲親自為合唱版錄旁白㖭！

撰文：東方新地、圖片：東方新地/陳涵林微博/姜卓文IG

張可頤為「親生女」開金口大讚阿女有天份

陳涵林非常感激偶像兼老闆張可頤幫佢達成心願：「當我睇到MV出街時係緊張加激動，好驚自己演技未到位，但又好期待睇到偶像同自己一齊喺畫面出現，好感謝張可頤姐姐陪我拍足兩日。」第一次同偶像合作，Karen話非常緊張：「開始時好緊張，但到正式拍攝時，張可頤姐姐好有耐性教我入戲，做埋我嘅演戲導師，好犀利！」張可頤亦大讚Karen有天份，會繼續努力栽培佢。有張可頤傍住，Karen定當啦！

張可頤做老闆開經理人公司捧新人，18歲陳涵林成為旗下第一位藝人。 — 張可頤做老闆開經理人公司捧新人，19歲陳涵林成為旗下第一位藝人。

51歲嘅張可頤經常做運動，保養得宜身形弗到漏。 — 52歲嘅張可頤經常做運動，保養得宜身形弗到漏。

去年出席黎姿公司晚宴，與郭可盈、蔡少芬合共「四大花旦」再度同框，場面難得。 — 之前出席黎姿公司晚宴，與郭可盈、蔡少芬合共「四大花旦」再度同框，場面難得。

19歲新人陳涵林來頭不少

究竟這個19歲的小女生有什麼魅力，令張可頤收為「親生女」？原來Karen 從 8 歲就開始學習音樂、鋼琴和舞蹈，更跟杜麗莎老師學習過聲樂，自少音樂造詣已非常高。亦積極參加海外華人歌唱比賽，更屢次奪得好成績，2017年，她曾以休斯頓賽區少年組第一名的成績，代表參加在北京舉辦的「文化中國·水立方杯」海外華人中文歌曲大賽，最終拿下第 5 名，非常厲害。除了和張可頤合唱的〈風給的約定〉，首支單曲〈當我變成我們〉早前更找來姜大衛的細仔、《全民造星II》參賽者姜卓文助陣，有實力又有那麼多前輩關照，希望 Karen不負所望，為大家帶來更多好音樂。