延續閱讀：

《城寨》老戲骨梁舜燕鬼馬搶戲

女神王君馨索爆丁圖

日前自己一個出席公開活動嘅馬在驤，18歲仔生得非常高大，眼大大鼻高高，驟眼望落有啲似尹子維。睇馬神仔健碩嘅身形，明顯有做開運動，假以時日分分鐘大隻過爸爸！

現時讀緊國際學校嘅馬在驤，晌父母悉心栽培下文武雙全，除咗讀書叻，仲係游泳健將兼跆拳道黑帶！不過馬在驤竟然話自己未拍過拖，但就試過俾女追又收過朱古力！咁又係，咁靚仔使乜自己出手先？

馬神一放假就會一家三口去旅行，早排仲兩父子齊齊赤膊chok住影相，估唔到48歲馬神企埋阿仔身邊，似大哥多過似父子！馬神仔自爆有興趣入行做幕前，最想學爸爸拍動作片，前排放暑假直頭跟埋上橫店睇爸爸拍戲，睇嚟真係好有興趣做星喎！

全文完