裕美於2013年跟同為基督徒嘅圈外生意人林恩浩(Jason)結婚，婚後一直恩愛，經常放閃。不過，近日人妻裕美被爆跟黃子恆過從甚密，二人被拍到去街市買餸，之後齊齊到男方家過夜！事情曝光後，除傳裕美遭家暴，之後又流出疑似裕美同黃子恆情慾短訊！

除了被指搞人妻，其實黃子恆有小花殺手稱號，以往曾力追過李佳芯及吳若希，不過可能仍未上位，被女方嫌奀得滯，結果兩次都撻Q！

延伸閱讀：

情趣酒店過AV癮

怪叔叔約嫩模過夜 想對方「成長」

拍短片闢謠

為了避免不必要猜測，裕美跟老公Jason各自於fb上載短片，親自解釋事件原由，而Jason更表示冇離婚，仲呼籲黃子恆如果真係鍾意裕美嘅話，麻煩出嚟承認。

懶理流言食得開心

咁當事人之一嘅黃子恆灼咗邊？原來黃子恆昨日喺電視城同洪永城、蔡思貝等一齊食宵夜，相中黃子恆似乎冇受事件影響，仲食得好開心喎！

媾Ali失敗

入行十七年嘅黃子恆，近年工作量不斷增加，而且緋聞亦愈來愈多，有小花殺手稱號！其中前年力媾上位小花李佳芯(Ali)，用專車接載對方到西貢撐枱腳食燭光晚餐，雖然最後齊齊返男方寓所，但據知Ali當時嫌對方仍係七線奀星，所以緋聞無疾而終。其後，Ali專心拍劇，更憑《潮流教主》人氣急升，被網民捧為女神！

若希請食檸檬

而去年被影到同吳若希去赤柱食飯而傳緋聞後，吳若希即落閘說：「朋友食飯，冇咩特別，我哋識咗好多年，佢好似哥哥咁。」黃子恆見未能得手，亦惟有認命只表示跟對方係朋友。