37歲人妻孫慧雪《機場特警》自加親熱床戲咬唇激啜黃子恆懶理老公詐型

Apr 22 2020

廣告

無綫劇集《機場特警》熱播中，人妻孫慧雪喺劇中有大膽演出，佢同飾演佢老公嘅黃子恆有唔少火辣親熱戲份，當中一幕床上 kiss 戲更咀到互相咬唇好鬼激，連雪雪真老公都驚嘆：「真係好震撼！」

撰文、圖片：東方新地

孫慧雪《機場特警》自加親熱床戲

孫慧雪一向有宅男女神之稱，冇他嘅，皆因雪雪身材誘人樣子甜美。雖然現已成為人妻兼人母，但仍魅力十足，成功俘虜唔少網民嘅心！喺《機場特警》中更加豁出去，一幕床上激吻戲，引起網民頗大迴響，不過雪雪本人就覺得濕濕碎：「 Kiss 啫，又冇太多嘅裸露成份，同埋電視尺度都唔會話好高嘅，所以我都覺得 OK。」激吻戲一氣呵成咀足十幾秒，唇咬唇鬼咁肉緊，拍攝時雪雪話都好緊張：「事前好緊張，但拍嘅時候冇尷尬，因為大家都好投入角色，同埋大家都係專業演員嘛。」最難得係劇中所有咀嘴戲份都係雪雪同黃子恆自行加插，雪雪話希望營造夫妻間好 sweet 嘅感覺：「如果兩夫婦喺某啲sweet 嘅時候，我哋都會加番輕輕一兩個 kiss，床戲就梗係激啲，呢個都係我哋自己加落去。」難怪雪雪老公咁大反應，仲話好難接受要時間消化吓㖭！

喺《機場特警》中，孫慧雪同黃子恆有唔少火辣親熱戲份，喺床上瘋狂又攬又錫。

喺劇中飾演兩夫妻，事前二人有共識要加兩錢肉緊，以營造夫妻間好sweet嘅感覺。

咀到咬晒唇好鬼激，雪雪老公應該睇到眼火爆！

阿雪講到觀眾都好關心佢哋夫妻間嘅變化，看似甜蜜但又有暗湧：「大家都睇到呢樣嘢，證明呢幾場親熱戲其實都係需要同埋成功地塑造到嗰種矛盾，所以我覺得有必要加喺入面。」

從不吝嗇好身材人妻IG晒雪球

雪雪向來係有料之人，生完仔之後令原本33C嘅魔鬼身材再度「升Cup 」，加上一副甜美babyface，仍然充滿少女味！更難得嘅係雪雪亦好大方，經常喺網上派福利，大騷火辣身材，滿足大家，難怪數度被開價千萬獲邀出席飯局！

四年前曾推出個人寫真集，去年改推散文集，雪雪都有附送圖冊賣大包，大晒激凸上圍。

身材向來都甚有睇頭，bra top晒料算小兒科。

雪雪罕有貼出一張出浴照，並留言：「沖完個涼諗住唔出街，但有啲嘢唔記得咗買又要騰落街，咁返屋企又要沖多次涼，咁依家惟有keep住唔沖涼，直到出街，出完去返嚟先沖，咁就唔會嘥水嘥時間啦！」

早前雪雪喺IG上載一張性感自拍照，輕輕露出少少事業線，點知有網民抨擊：「陰功！幾十歲仲要用對奶嚟搵食！」雪雪不甘受辱反擊：「係女人都要戴胸圍，如果我冇胸，你會讚我有型嗎？咪又係搵嘢話我！」

去年出席《萬千星輝頒獎典禮》，著上低胸晚裝谷出4吋事業線，被網民形容為「好J」！

唔只晒胸，雪雪不時著短裙晒白滑長腿。

去年為拍圖冊激減27磅，務求以最佳狀態示人。

37歲嘅孫慧雪天生一副baby face，玩起cosplay來仍有一定說服力。

關鍵詞

孫慧雪機場特警