娶其士集團太子女 「春美」吳家樂生足3個夠熱鬧
廣告
被指抄襲港產漫畫《九龍城寨》嘅《城寨英雄》熱播，劇中除咗陳展鵬、袁偉豪同伍允龍打到飛起，奸角之一嘅「馮春美」吳家樂亦十分搶鏡。家樂仔飾演白面春美，即係城寨惡霸馮夏滿嘅親生大佬，陰陽怪氣得嚟又冷血陰險！
其他文章：
疑似華姐淫片流出完整版
拆解《城寨英雄》8大謎團
家樂仔一向扮鬼扮馬都有一手，今次唔搞笑玩認真，飾演城寨武林高手馮春美，幫細佬兼黑幫阿頭馮夏滿打江山。觀眾激讚家樂仔眼神笑容都夠奸，舉手投足亦做到角色嘅女性化一面，一句講晒：好戲！最近幾集劇情講到林偉飾演嘅福壽金死後，春美同柯萬長平分城寨所有黃賭毒檔口，肯定同福利會一班英雄有排鬥！
家樂仔晌劇中戲份甚重，野心極大嘅佢，會逐一清除城寨其他話事人做山寨王，包括表面上改邪歸正嘅柯萬長，真係由頭帶到尾！
事業未算大紅大紫，但家樂仔家庭生活非常美滿。06年3月迎娶拍拖1年幾嘅其士集團太子女周蕙蕙，07年大女出世，08年輪到孖仔出世，44歲家樂仔已變成多仔公家樂佬。為照顧三個仔女，家樂仔曾有一段時間暫停拍劇，專心做湊仔公，肯放棄男人最重視嘅事業，呢種絕世好爸爸兼好老公去邊度搵呀？
