27歲蔡嘉欣曬名牌袋曬現金炫富犯眾憎殺入《姊妹淘》搶fo上位

Mar 15 2021

身為大台藝人又是KOL的蔡嘉欣（Kayan）除了幕前演出外更從事保健產品生意、身兼多職，。日前蔡嘉欣更在IG更新限時動態，手揸現金40萬去匯款，令不少網民指蔡嘉欣高調炫富。面對非議，Kayan 15號接受訪問時表現委屈說：「會反省自己。」翻查資料，原來蔡嘉欣被指曬命曬幸福都不是新鮮事。

撰文、圖片：東方新地

蔡嘉欣上位快過港姐三甲曬命早有前科

有九年歷史的無綫長壽節目《姊妹淘》，20年7月革新推出第四輯，主持班底除了元老級莊思敏外，還有上一輯已加入的上屆落選港姐蔡嘉欣及新晉宅男女神陳詩欣，再加上IG女神曾淑雅及傅嘉莉等，一班靚女柴娃娃好熱鬧，不過有女人自然有是非，爭妍鬥麗面和心不和走唔甩。

被指上位快過港姐三甲的蔡嘉欣，恃住有米ibanker男友錫到燶，周身名牌狂炫富，晒命唔使本，好快就成為犯眾憎。蔡嘉欣殺入《姊妹淘》不斷諗計搶fo，霸頭位搶對白冇大冇細。去年蔡嘉欣上樓盤節目接受訪問狂呻樓價高企難上車，不過家中有兩大個櫃放滿包包，被網民狂插總值幾十萬的包包已經夠做首期。明知自己惹火，蔡嘉欣都唔識低調立品，好明顯輸經驗。

26歲的蔡嘉欣樣貌比實際年齡成熟，去年10月開始加入《姊妹淘》成為台柱主持之一。 — 27歲的蔡嘉欣樣貌比實際年齡成熟，19年10月開始加入《姊妹淘》成為台柱主持之一。

去年參選港姐即成頂頭大熱，蔡嘉欣打入五強後落選，有指是非纏身所致。 — 前年參選港姐即成頂頭大熱，蔡嘉欣打入五強後落選，有指是非纏身所致。

娛樂圈向來都是憎人富貴厭人貧，入行只有兩年的蔡嘉欣前年選港姐時已是當紅KOL，是非多多被揭一大堆黑歷史，有指她因拜金而拋棄無綫藝人吳子沖，並結識有錢ibanker新歡，男友更在將軍澳天晉租了一個月租近二萬五元的單位，方便她參選時出入將軍澳電視城。結果蔡嘉欣大熱倒灶，即被無綫睇中簽約成親生女，極速被安排加入《姊妹淘》做主持，更有份參演劇集《智能愛（AI）人》及處境劇《愛回家‧開心速遞》，工作機會遠遠超過同年港姐三甲。

曾被指為了有米新歡撇大茄演員男友的蔡嘉欣，與ibanker男友拍拖三年經常出埠外遊，蔡嘉欣唔介意男友高調曝光，在IG狂晒二人親密合照。 — 曾被指為了有米新歡撇大茄演員男友的蔡嘉欣，與ibanker男友拍拖三年多經常出埠外遊，蔡嘉欣唔介意男友高調曝光，在IG狂晒二人親密合照。

為人高調過分進取其他主持藐爆

做慣網紅的蔡嘉欣，時裝及美容觸覺都有番咁上下，做《姊妹淘》主持開中佢嗰瓣，不過野心太大亦令她成為不少人的假想敵，據知情者透露：「Kayan（蔡嘉欣）表現得太進取，搶對白講同埋成日霸頭位、中間位都好明顯，試過有一集講美腿準則，為咗突顯自己高人一等同長腿，佢提議幾位女主持喺鏡頭前鬥腳長，佢又笑唔係個個女主持都可以坐喺長凳腳掂地。恃住自己口才好公司又畀機會，Kayan喺其他人面前都幾寸嘴㗎，但對住大家姐莊思敏就扮晒嘢好奉承，最難頂都係成日晒名牌袋同晒男朋友點樣錫佢，又話男友帶佢遊世界去過好多個國家咁，正所謂一山不能藏二虎，傅嘉莉就最唔妥佢，喺背後藐爆。」

每次拍攝及影大合照，蔡嘉欣即自動波霸佔有利位置，入行年資比她長的傅嘉莉都望塵莫及，輸晒身位，難怪在背後藐爆。

早前一集講美腿準則，身高174cm的蔡嘉欣意見多多，拍前仲建議即場度腿鬥腳長。 — 之前一集講美腿準則，身高174cm的蔡嘉欣意見多多，拍前仲建議即場度腿鬥腳長。

莊思敏是《姊妹淘》元老主持，經過四輯改朝換代只有她有得留低，蔡嘉欣當眾大讚莊思敏雙腿就是美腿準則，擦鞋擦出面。

莊思敏拿著一張紙牌，寫上大腿與小腿的國際標準，當知道亞洲人普遍不能達標，蔡嘉欣突然把紙牌怒擲落地，表現激動，最後要莊思敏去執紙牌。

呻無錢做首期上車但一櫃名牌袋

在蔡嘉欣的IG內，幾乎每日都拎不同名牌手袋，絕大部分都係Hermès同Chanel，有數得計總值肯定超過五十萬，不過佢就曾在無綫的樓盤節目內大呻未夠首期上車，又話唔想畀一成首期供幾十年樓，節目一出即被明眼網民鬧爆佢啲名牌袋都夠畀首期。作為野心勃勃的港女，或者蔡嘉欣想買幾千萬以上的豪宅，區區幾十萬真係唔夠呢？與其賣袋換首期，冧男友送樓可能仲可行。