索媽陳自瑤顯熟女韻味、陳欣妍身材面貌全進化！女星噴血恤衫純情中藏誘惑
撰文、圖片：東方新地
陳自瑤
8歲囡囡靖喬最近容貌在抖音曝光，白白淨淨眼仔碌碌，被網友盛讚可愛靚女顏值高！其實39歲媽咪陳自瑤都一樣keep到，吊帶top外一襲淺藍恤衫盡顯熟女韻味。
陳欣妍
16年出道舊相曝光，陳欣妍眼耳口鼻都完全進化判若兩人，唔通做gym唔止改變身材，仲有進化五官嘅神奇功效？
莊韻澄
39歲莊韻澄最近晒鑽戒公布結婚，無論有冇愛情滋潤，Ecup女神隨時保持容光煥發狀態大勇，白色bra加白恤衫正係好多人心目中最經典穿著。
沈殷怡
拍攝 ViuTV 行山節目《 美女郊遊遊 》成功彈起，26歲沈殷怡憑青春無敵加上驕人身材，換上白恤衫不經意露出白滑膊頭，山系女神其實都有文靜性感一面。
周秀娜
疫情影響工作量大減，周秀娜利用多出來嘅時間日日出海玩水，結果本來已經瘦削嘅身形又見縮水，呢個白恤衫 look 更見骨感！
陳偉琪
36E 咪神陳偉琪醉駕搞到被無綫飛出《 愛·回家 》劇組兼雪藏，前途未卜下再嚟一個收起笑容白恤衫look，感覺有啲似當日一本正經上庭嗰個造型。
湯洛雯
同馬國明蜜運中更盛傳已經收樓就快拉埋天窗，純情又甜美嘅靚湯湯洛雯，呢個男友視角白恤衫造型，的確誘人。
蘇皓兒
拍完《 那些我愛過的人 》後一排未有新作，其實蘇皓兒埋緊位拍攝入電視台後第二部作品《金宵大廈2》，長腿姐姐好快又同大家見面。
樂宜
成個夏天都係以比基尼、小背心示人，天氣轉涼仲立埋冬，終於披番件白恤衫嘅樂宜一樣性感難掩好身材。
馮盈盈
性格直爽搞到是非多多，不過呢樣亦都係港姐馮盈盈最可貴之處，簡簡單單一件白色恤衫最襯佢，乾淨又爽朗
湯怡
同前度洪卓立分手眨吓眼兩年，依然單身嘅湯怡愈戰愈勇愈嚟愈索，連帶事業心都愈嚟愈強。
陳嘉寶
唔聲唔聲原來已經生埋第二胎，陳嘉寶話你知，寬鬆白恤衫係遮肚保守秘密最佳裝束。
林凱恩
臭味相投就係呢啲，難怪林凱恩同郭嘉文多年好姊妹感情不變，皆因大家都係清純又慳家，樸素白恤衫最襯佢。
