大步走｜29歲李君妍做運動女神寓工作於瘦身 默默耕耘最恨做型格女強人
撰文、圖片：東方新地、李君妍Instagram
李君妍《功夫新星》出身 武打女星代表
李君妍曾參與武術選秀節目《功夫新星》，節目完結後更開始上功夫班，可算是TVB武打女星的代表之一。李君妍於新劇《大步走》為一間清潔公司員工，熱愛跳舞。自言本身少做運動的她，近日出席一項競跑活動宣傳新節目時，回應指衝線時出現腳軟情況，指可能上身較重負擔大，自己較喜歡做靜態運動。
李君妍做運動女神寓工作於瘦身
李君妍曾在 《3日2夜》中著比堅尼大晒Fit爆身材，她直言主持經驗少，希望能把握今次繼續主持《姊妹淘》的機會，訓練到自己的主持技巧。
李君妍入行10年靠搏上位 Bra Top「胸」贏傅嘉莉
要數李君妍近年最高討論度作品，就係喺18年劇《特技人》中演飾演𡃁模袁丸一角。雖然只係以一貫3、4線配角嘅角色登場，但今次Lola出場時絕對亮眼，皆因佢著起Bra Top 與傅嘉莉打拳一幕，大騷深長事業線，性感之餘，仲十分吸睛！
Lola喺劇中著住黑色Bra Top與傅嘉莉打拳，罕有喺鏡頭前露出深長事業線！該幕一出，Lola隨即搶去傅嘉莉鏡，仲被網民稱該幕為「全劇最醒神亮點」！
《特技人》除咗有女主角朱晨麗（朱朱）有機會騷身材外，原來做配角嘅李君妍都有份晒線！
擺正牌晒線嘅Lola真係禾桿冚珍珠，單單著住件運動款Bra Top都令事業線輕易露出，難怪佢可以喺該幕中成功突圍搶鏡！
就算Lola打側企都清楚睇到條事業線，相比起傅嘉莉只哂纖腰同對腳，又真係失色咗啲嘅！
李君妍自爆擺烏龍
原來李君妍拍攝該劇前擺咗個大烏龍，據知佢本身以為自己係做特技人角色，所以諗住整一個硬朗啲得嚟又特別啲嘅造型，仲走去問監製可唔可以染一個灰灰黑黑嘅頭，點知去到試造型先知，原來係做𡃁模的角色。
雖然Lola冇得係劇中拍打戲，不過佢喺接受傳媒訪問時就表示唔覺可惜，因為拍打戲前要練一段時間，花嘅時間比較多，而朱朱本身有舞蹈底，拍起上嚟都好專業。
Lola仲透露當時要性感上陣拍打拳戲，但都冇特別忍口，因為嗰時自己谷M，忍唔到口食咗好多嘢！而且，佢仲話今次嘅拍攝算係露得最多，以露事業線嚟講就呢部劇露得最多！
李君妍成功簽約做親生女
今年28歲嘅李君妍喺09年入無綫電視藝員訓練班，11年因參加《功夫新星》後，獲得不少演出機會，但都只係3、4線嘅配角。捱咗近10年，做過路人、記者、食客等閒角角色都演過，近年先開始有配角演，更被網民稱為「御用女警」。
值得同大家一提，入行到第十年，李君妍係18年3月先終於正式與TVB簽約，成為「親生女」！
Lola坦言有加人工，而且同公司傾過，表達自己想行型格路線，即要有女人味得嚟又有型。Lola仲對公司好有信心，相信會有更多新工作，而角色方面亦會越來越好！
https://www.instagram.com/p/BlsdL6hgvEz/?taken-by=lolaaurora
