單文柔上圍逼爆衫向陳展鵬撒嬌 做超能媽媽為頭家出盡力

撰文、圖片：東方新地

單文柔做超能媽媽為頭家出盡力

煎Pang出名大男人，雖然他對細十三年的單文柔不薄，但疫情期間要老婆外出做阿四就真係見到都覺辛苦。日前單文柔坐煎Pang的車到達九龍城，獨自去食店歎完早餐，再去中藥店執藥，等藥期間她走勻九龍城多間店舖與街市，狂掃日用家品及買餸，左右肩孭住兩個大環保袋，另加手袋及一把長遮，最後還要去中藥店取走一大袋中藥，一個女人仔發揮最強力量，自己call車返屋企。單文柔雖然唔使搵錢養家，但為頭家的付出都不少。