哈比姊妹黃美棋、糖妹玩另類staycation 望海睇景潛水擦海鮮

撰文、圖片：東方新地

黃美棋、鍾健威考定牌出埠潛

黃美棋與男友鍾健威有共同嗜好，喜歡音樂與運動，閒時一齊健身與滑水，拍拖生活絕不枯燥，前年開始他們更一齊跟教練學潛水，探索香港美麗的海洋世界，二人同居於西貢區，經常於西貢一帶出海，近年受疫情影響，在限聚令下社交活動驟減，不過潛水次數反而增加，黃美棋與男友更成功考獲潛水牌。

招呼糖妹staycation潛水擦海鮮

因為疫情不能外遊，黃美棋與鍾健威在香港潛水一樣找到樂趣，就連糖妹（黃山怡）亦受到好姊妹感染，跟同一個教練學潛水，據知情者透露：「美棋本身游水唔叻，對水上活動都麻麻，但阿 Ray（鍾健威）好鍾意玩水上活動，去年美棋跟阿 Ray去潛水，畀海底世界吸引住，發現原來香港都可以有咁多咁靚嘅珊瑚同海洋生物，所以就鍾意咗潛水，仲成功考埋潛水牌，等疫情一過，佢哋就飛去其他地方潛水。美棋仲導埋糖妹一齊做海之女，得閒就約埋出海，潛完水就返美棋屋企食吓海鮮玩吓，當去酒店 Staycation咁，多幾個人都唔怕違犯限聚令。」

早前黃美棋與糖妹一同現身西貢，看二人素顏一身隨意打扮，看來剛出海潛完水，同行除了鍾健威，還有他們的潛水教練堅 Sir及一男友人。一行五人在西貢茶餐廳醫完肚，便坐上教練的四驅車，直駛黃美棋與鍾健威的西貢村屋愛巢。到達後黃美棋先返家，糖妹與其他三人就行到附近的海邊視察環境，三王一后望完海就拉大隊返回黃美棋屋企。在黃美棋的社交網中可看到她與鍾健威的生活點滴，離不開食與玩，三日唔埋就準備大量海鮮 BBQ或打邊爐招呼好友，學定潛水做海女，第時可以自給自足囉！