吳君如停工舉家外遊散心 非常時期外遊順便撲口罩
廣告
依家武漢肺炎肆虐，人人自危，唔少人都會自我禁足以防染病，但喺屋企咁多日又悶到發慌，可以點？好似吳君如同陳可辛咁，帶埋囡囡陳是知出走香港，到外地散吓心囉！
撰文、圖片：東方新地
吳君如舉家外遊散心 做足防疫措施包到實
日前吳君如聯同陳可辛及囡囡，仲有囡囡嘅表姐以及工人姐姐一 行五人現身機場離境大堂，個個戴上口罩喺櫃枱辦理登機手續。君如表示一家人打算出國輕鬆吓：「出去幾日散吓心，小朋友停課冇得返學，喺屋企唔係辦法，好悶！」正值非常時期外遊，君如話會做足預防措施，至於會唔會順道撲口罩？君如無奈慨嘆：「唉，呢啲唔諗，唔知呀，都唔知買唔買到。」
陳可辛賀歲片撤檔上映無期
講到工作，君如話家陣全世界都停晒工，而佢監製嘅電影《媽媽的神奇小子》正努力做緊後期。至於導演陳可辛套賀歲片《奪冠》因為受疫情影響而要撤檔，暫未知幾時再上映。咁嘅時勢，惟有見步行步啦！
