【愛回家】劉一飛演大陸土豪曹總 唔咸唔淡廣東話超搶鏡 網民：每次出場都勁搞笑！

撰文：娜仔｜圖片來源：劉一飛ig、劇集截圖

劉一飛由綠葉變配角

劉一飛出生於北京，1989年加入TVB做普通話配音員，不時都會參演TVB一些小角色，這塊綠葉通常是演大陸富商的角色，一集起兩集止！自從2012年加入《愛回家》飾演大陸土豪曹總後，唔咸唔淡嘅廣東話，帶來不少笑料，讓觀眾開始留意到曹總這個角色，而在第四輯《愛回家之開心速遞》，劉一飛更升level做男配角，劉一飛嘅戲份多咗又演得入型入格，更加設定全名曹達華予曹總，劇中曹總出場時，都笑料百出，而且劇中角色個性親民又有義憤，每次出場加上帶有口音嘅唔咸唔淡廣東話都好搶鏡，都「氹」得觀眾勁開心！

痴情曹總只愛熊若水

對曹總最深印象的，就一定是曹總與熊若水（呂慧儀飾演）的感情線啦！就算被熊若水拒絕幾多次都好，熊若水同龔燁（張景淳飾）開展感情都好，曹總對熊若水的痴情，都令觀眾留下深刻的印象，每次曹總的出場，都會有不少的笑料，而且用唔咸唔淡廣東話追女仔，觀眾都覺得好搞笑，想睇多啲曹總與熊若水呢對「螢幕情侶」嘅互動！

近年，劉一飛都有玩Instagram，而只follow熊若水一個人，即是呂慧儀，戲裡戲外都好連戲呀！曹總Instagram裡面，分享日常近況和拍劇花絮之外，都有可愛嘅「長輩圖」！

戲外貼地「土豪」

有網民發現，雖然曹總在戲裡是大陸有錢土豪，但現實生活中，曹總好「貼地」，會坐公共交通工具，十分親民呢！雖然唔咸唔淡嘅廣東話，劇中大放笑蛋，但其實曹總在拍前都有請教講廣東話嘅朋友同演員。