《兩個小生去camping》袁偉豪爆周柏豪下廚切傷手 現真身成個月唔化妝唔set頭
廣告
袁偉豪、周柏豪日前一同宣傳兩人主持的無綫新節目《兩個小生去 Camping 》，獲嘉賓張寶兒、連詩雅、鄧佩儀和菊梓喬現身支持，袁偉豪多謝老友周柏豪今次邀請合作，又大爆柏豪廚藝麻麻，攞刀切餸經常切傷手，他笑言：「柏豪係個幾可愛嘅 Oppa，為咗配合節目呈現真實一面，肯放低形象，成個月嘅拍攝都冇化妝、冇 Set頭！」
撰文、圖片：東方新地
袁偉豪爆周柏豪下廚切傷手
周柏豪視今次拍攝過程為新挑戰，更形容自己拍到由白皮豬變黑炭頭，袁偉豪則直認拍攝過程要日曬雨淋好辛苦，他在首次玩風箏滑浪時更發生小意外：「 唔小心落水時坐咗落石頭度，因為嗰度啲水好淺，所以撞親尾龍骨，好痛！」周柏豪和袁偉豪在活動中示範劈柴，袁偉豪笑言節目十足人在野一樣：「 呢個節目主要係講野外露營，會提及露營發燒友玩意，亦會介紹一啲香港郊外紮營嘅好地方，我同柏豪都會喺野外煮食。」
周柏豪自爆同袁偉豪相識經過
周柏豪自爆年少時很傾慕著名「 校草 」袁偉豪，因此主動透過 ICQ 結識對方，轉眼間兩人已相識廿載，他笑言：「當年佢已經係好出名嘅校草，喺網上流傳咗佢嘅 ICQ 帳號，於是我就加咗佢，就係咁識到依家。」
