延伸閱讀︰

《城寨》張頴康登場 拳佬牙佬反目成仇

拆解《城寨英雄》8大謎團

茶樓爆炸 小智慘被炸死

李日昇演嘅小智雖然智力比正常人低，但就懷有俠義心腸，而佢劇中金句「公仔書話強者係為保護弱者而存在」，真係好入腦！正因為人正義，稍後劇情講到德莉茶樓將發生火災，小智得知師叔被困災場中，即奮不顧身衝入，希望可以救對方出來，點知突然發生爆炸，小智慘被炸死，咁啱牙佬(袁偉豪)亦趕至，牙佬睇住好兄弟小智就咁白白犧牲，悲痛欲絕！

李日昇演技被激讚

其實，李日昇亦演活小智呢個角色，其中一幕雖然明知唔夠惡霸夏滿(李嘉)打，但為保朋友挺身而出，之後為保護鑫鑫(林穎彤)更被打至重傷，演技被激讚，觀眾都戥佢可憐！

童星出身

李日昇表示，今次被監製文偉鴻選中演小智係因為佢夠生面口，能帶給觀眾新鮮感！而童星出身嘅李日昇表示，小時候曾演過自閉症與智障角色：「監製俾我幫助好大，同我研究角色。一直好想人哋對我演出俾意見，今次聽到好多意見，真係好開心！」

熱愛運動狂操肌

現實中，李日昇並非如劇中小智咁潺仔！原來佢熱愛運動，一得閒就狂做gym，操出一身結實肌肉，40吋胸肌真係好吸睛！

孝順又專一

至於感情生活方面，李日昇有個感情要好嘅女友，而且二人已拍拖七年，早前出席女友畢業典禮，李日昇送上鮮花及女友最鍾意嘅Minions公仔，認真sweet！此外，李日昇亦係孝順仔一名，一得閒便陪媽咪及家人齊齊去歎茶，享受天倫樂！

全文完