《超時空男臣》大結局劇情！凌晨重播 30-32集結局播到年初五

Q: 《超時空男臣》劇情中的太子妃原本由誰飾演？

《超時空男臣》劇情中的失蹤太子妃貌似劇中香港女明星汪以珊（王君馨飾），原本由由林夏薇飾演，後因檔期問題辭演⋯⋯ 按此看詳情

Feb 5 2022

《超時空男臣》1-32集大結局劇情：《超時空男臣》將於2022年1月中深夜重播無綫2017年Amazing Summer開鑼其中一套重頭劇、蕭正楠、田蕊妮及曹永廉等人主演嘅《超時空男臣》係穿梭時空橋段，而且估唔到一嚟就出現唔少盞鬼笑位，引嚟網民熱論！依家就等我哋一齊膠位逐個捉！

文：東方新地

劇情膠位1.「傳音小匣子」VS 打火機信物

《超時空男臣》劇情講述蕭正楠、曹永廉同何廣沛護送太子妃出嫁途中，由明朝穿越去到2017年嘅一個片場，並遇到飾演臨記領班嘅楊詩敏（蝦頭）。此時，蝦頭個手提電話突然響起，未見過任何科技產品嘅三位古人當然好驚訝，仲問蝦頭呢個「小匣子」係何方神聖！之後蝦頭又靈機一觸自稱係滿州公主「還珠格格」，仲話要同三位古人結為友好之邦。及後曹永廉拎出一塊玉佩作為信物，而蝦頭竟然拎咗個打火機出嚟交換！三位古人見到唔洗鑽木取火，當然對此寶物嘖嘖稱奇！

三位「超時空男臣」喺古代未見過電話，當然十分好奇！

專訪：《超時空男臣》擔正做太監何廣沛：我本身就似公公

$5 個嘅火機都俾「男臣」當係寶！

劇情膠位2.《超時空男臣》版「大海無量」

《超時空男臣》第一集就出現大量「精彩」CG特技，當中最吸睛嘅當然係蕭正楠嘅一招「大海無量」，睇到觀眾眼都凸！而心水清嘅網民就指出「大海無量」喺武打漫畫《中華英雄》入面都出現過喎！莫非係蕭正楠教司徒無量嘅？

TVB啲特技真係得啖笑！

劇情膠位3. 鄭子誠聲音演出

鄭子誠把聲老是常出現，今次《超時空男臣》劇組就盞鬼地搵咗鄭子誠做旁白講故仔，交代眾人喺霧林入面迷失嘅情節。鄭子誠個語氣鬼咁詭異，好似聽緊鬼故咁 !唔知之後仲有冇「音樂情人」聲演呢？

鄭子誠喺劇中飾演太監，仲想刺殺太子妃！

劇情膠位4.「輕功馬路飄」

三個古人喺《超時空男臣》大鬧片場不特止，仲玩到出城！劇情講到蕭正楠佢哋要搵返太子妃，於是就出「京城」搜索，點知「京城」已經今非昔比，三位古人要使出「輕功馬路飄」先成功追到坐喺電單車上面嘅「太子妃」！不過TVB又點會俾佢哋咁易搵到太子紀呢！原來只係一個着古裝嘅路人！想睇佢哋點搵返「真・太子妃」就要等下回分解啦！