謎團一刑活著點變不死人？

活著(鄭嘉穎)本是明朝錦衣衛，於一次迎戰殭屍任務期間，被超大雷電擊中，意外成為不死人，自此以獵殺殭屍為己任。

謎團二點解刑活著跟龐應天反目？

龐應天(關禮傑)與刑活著同係不死人，回港後二人本欲重拾情誼，但應天對付殭屍及做研究手法非常殘忍，令活著反感，及後更因此而反目！

謎團三 凌風被活著擊敗，但為何不死？

身為殭屍嘅凌風(陳山聰)同不死人刑活著鬥足五百年，最終殭屍不敵不死人，凌風幾乎被活著消滅，但命懸一線之際，竟被隱形富豪應天帶走，原來用作試驗新藥！

謎團四 為何藍夢瑤要變殭屍？

藍夢瑤(陳凱琳)之後戀上刑活著，更向他展開熱烈追求，又認為跟不死人之間的唯一障礙就係生命之長短，因此忽然渴望自己變成殭屍！

謎團五藍夢瑤與刑活著係前世夫妻？

有指夢瑤跟活著的確有宿世姻緣，而活著變成不死人，經歷五百年浪跡天涯、走遍世界各地後，終能跟夢瑤隔世重遇！而現實中，二人打得火熱，嘉穎更聽晒凱琳話，要佢改信主都制，認真聽話！

謎團六藍夢瑤點解唔識講嘢？

夢瑤生於一個幸福平凡家庭，直到十歲時，親眼目睹父母被殭屍咬死，生活頓時陷入了一片黑暗。受雙親離世打擊、殭屍帶來嘅恐懼，令佢選擇封閉自己，患上失語症。後來夢瑤在活著嘅悉心照顧下，慢慢衝破內心陰影，更開始講番嘢！

謎團七 被殭屍咬完唔變殭屍？

通常大家認為被殭屍咬過或吸血後，都會變殭屍，而劇中有幕殭屍凌風咬完女生後，該女生最後死了更無變殭屍！點解呢？是咁的，劇中設定若要變殭屍，一定要得到殭屍輸血入體內，否則被吸乾後死路一條！

謎團八藍黃紫紅點解要藍夢南忘記自己係殭屍？

紫紅(羅蘭)年輕時當醫生，遇上像野獸般、到處吸人血嘅殭屍藍夢南。只係紫紅並唔怕夢南，仲主動伸出同情之手，俾佢一個溫暖的家，讓夢南學懂如何融入人類生活。紫紅女兒及女婿遭殭屍殺死，其孫女藍夢瑤(陳凱琳)因此患上失語症。家逢巨變，夢南堅持照顧在側，但紫紅深怕夢南嘅殭屍身份，只會令夢瑤陰影加劇。於是，紫紅不惜千里迢迢追尋傳說中「漂泊的荷蘭人」，取得神奇泉水，助夢藍變成一個失憶嘅普通人，讓三婆孫一直過着安穩生活。

謎團九凌風點解要追蹤藍夢南？

五百年來，凌風一直追尋自己過去，直至現代，佢感應到一股特別味道，直覺告訴佢，只要找到呢個人就可以揭開謎團，並漸漸發現，原來自己一直尋找的，正是夢南！原來夢南係殭屍始祖，會自發變成殭屍，因此凌風想從夢南身上了解自己更多秘密！

謎團十藍夢南點解識「一指靈」？

本身係法醫嘅夢南擁有「一指靈」特技，可令屍體甦醒一分鐘，再與其對話，憑此屢破奇案。至於點解佢有此特技，因為係與生俱來。