《仁心解碼》重播劇情角色重口味！方中信、徐子珊 & 最姣徐淑敏破奇案（內含劇透）
撰文、圖片：東方新地
方中信、徐子珊《仁心解碼》破解各種奇案
劇集以飾演精神科醫生嘅方中信為主幹，拍住飾演警察嘅徐子珊（當時29歲）去追查個案，有指《仁心解碼》抄襲自西方劇《HOUSE》，不過都曾被列作「10套經典醫療劇」之一。型佬醫生對住男人婆女警，經常鬥嘴，其後更因工作關係愈行愈埋由寃家變成情侶。
另一主角黃浩然當年33歲，飾演傻更更嘅護士，將會同24歲楊秀惠成為一對，而楊秀惠更會突破化肥裝扮演一個200磅嘅肥妹。
24歲徐淑敏（Suki） 演活潑姣精
值得一提仲有出道兩年，現為人妻的徐淑敏（Suki）飾演徐子珊嘅好姊妹，當年24歲的Suki仲會姣精上身經常作性感打扮，一心諗住釣金龜！其他人物仲有陳展鵬、唐詩詠、黃智賢、陳自瑤、黃嘉樂、敖嘉年、林淑敏、李思欣、曹永廉、古明華等唔少好戲之人。
綜觀全劇共7個單元作品，劇情緊湊，絕對有睇頭！
第1集《仁心解碼》唐詩詠一出場就PTSD尋短見
1985年出生的陳美娟（唐詩詠），係貿易公司高級文員，患有PTSD（壓力創傷後遺症），童年時險被人強姦，兇徒在其面前意外墮斃，後因後腦受傷局部失憶；於第1集企圖跳樓不遂，童年由冼迪琦飾演； 實情佢阿媽韓馬利完全知情所以一集就破案。
第2—3集利刀狂徒梁烈唯因孫慧雪拒愛刀傷多人
故布疑陣由庇護工廠職員智障職員做替死鬼，其實真兇庇護工場主任個仔梁烈唯，溝女不成患有反社會人格障礙，因被Apple（孫慧雪）拒絕，憤而於街頭刀傷多人：
第6—9集靈心會人格障礙敖嘉年性交轉運
馮素波個仔光頭敖嘉年（阮文翰、阮文浩）飾演「靈心會」教主，但其實自己患有人格障礙，20年前被孖生細佬阮文翰割斷頸部動脈而死亡，阮文翰殺害並偽裝阮文浩， 針對林淑敏，知道佢患有精神分裂症、輕微重性抑鬱障礙，性侵而懷孕。案件中飾演議員的鍾志光亦被敖嘉年割頸殺害。
第13—17集 – 死亡預告黃嘉樂被誤認係兇手
黃嘉樂童年被侵犯但無殺人，真正兇手係曹永廉，因為半年前因羅九、張麗婷衝出馬路導致曹永廉妻交通意外身亡 ，令到曹永廉患有強迫症殺害羅九、張麗婷。
楊秀惠黃浩然演無綫版《瘦身男女》
電影《瘦身男女》早在2001年就上映了，此劇線複製了電影中的肥妹特效，將索女楊秀惠突破化肥裝扮演一個200磅嘅肥妹。減肥回歸後索爆登場！
