C君 亂泊影線

C君新一年工作多籮籮，除咗主持《新春開運王》，仲會孖陸永同Do姐（鄭裕玲）再合作，拍攝新節目《Do姐有問題》，此外仲會延續《鬼同你OT》原班人馬，一齊拍新劇《來自喵喵星的妳》，日前八姨太見C君趁住唔使開工，揸車到匡湖居攞磅洗好嘅衫，不過心急嘅佢將車求其泊咗喺馬路邊嘅影線位，雖然只係快閃停咗唔夠五分鐘，攞好衫就即刻上車走人，但話晒都係違例泊車，俾警察發現，隨時要啃320蚊牛肉乾！