鍾楚紅 買新鞋過年

中國人最注重農曆新年，一般都會買新衫褲鞋襪、新底底過年，尤其鞋一定要新年前買，因為傳統話正月買鞋成年會「嚡嚡」聲，鍾楚紅唔想唔老利，依足傳統趁新年前買鞋，早幾日單拖殺入中環置地濕平，紅姑首先去咗巴黎名牌Roger Vivier，一入去已經有心水，叫店員拎對紅色高踭鞋，喺鏡前照幾照已經叫店員包起，簽卡走人，買嘢快狠準，之後再去咗Jimmy Choo，紅姑一入店就?中一對黑色短靴，可惜一問之下無佢嘅size，紅姑扁扁嘴望多兩眼就立即再起行，急急腳行去IFC方向，繼續血拼。