護女友擋問價 洪卓立 攰爆睇醫生

近日洪卓立女友湯怡被人私訊問價，以商演名義邀約佢做3日2夜「伴遊」，酬勞最高達15萬港元，洪卓立即時喺網上公開私訊護花，仲向邀請者挑機，叫佢「下次直接搵佢討論」，man爆舉動獲網民大加讚賞。
日前八姨太發現佢一支公現身中環卡佛大廈，呢度出名多醫生診所，等?時洪卓立就挨住幅牆狂瞌眼瞓，個樣攰到爆，唔通因為近排寒流襲港，洪卓立凍到病？希望佢好好保重身子，快啲好番，繼續做湯怡嘅護花使者啦！