星媽 識保養

周星馳媽咪雖然已經七十有五，但潮媽作風不減，一身名牌唔在講，每次出街都會化番個靚妝， 所以望落去鬼咁後生，你話佢六十幾都有人信。
星媽之所以keep住young，皆因佢好識保養。上周四（21日）就見佢喺中環一間藥房買保健食品，店員同佢推薦一隻黃豆素，只見星媽好有興趣，仲問咗個店員好多問題，兩個好好傾，吹水足足十分鐘，當然，星媽最後都有幫襯。
一般人都以為黃豆素係更年期女士用嚟紓緩不適症狀，但其實佢功效好廣泛，除咗可以降膽固醇、增強免疫力之餘，仲可以美白抗衰老㖭！呢樣咪啱晒貪靚嘅星媽囉。