新片被定為三級 JM：太保守

Janice Man（文詠珊）主演、邱禮濤執導嘅電影《兇手還未睡》日前在文化中心舉行首映禮，不過新戲被電檢處評為三級片，之前JM影嘅全裸電影海報亦唔出得街。JM話劇情係有少少敏感，但覺得電檢處呢個決定保守咗，覺得失望同遺憾。JM唔好唔開心，佢憑電影入圍金像獎最佳女配角都係good news，而且佢愛情事業皆得意，JM個iBank界筍盤男友吳啟楠（Carl）好錫佢，早前JM唔舒服去咗舊山頂道嘉諾撒醫院睇醫生，原來Carl一早喺大堂守候，陪女友睇完醫生至單拖出席酒會，真係廿四孝男友！