張秀文 大笑姑婆

2010年港姐亞軍張秀文自前年加入《學是學非》成為是非精，不過觀眾最有印象仲係佢嘅34C上圍，封佢做無綫新一代「咪神」，最近佢仲有機會拍住古天樂、張家輝同吳鎮宇開拍《使徒行者》電影版，身價即時升呢。日前八姨太見佢喺TVB收工後，本來個樣攰到爆，但遇見一名男同事後，一同對方吹水就即刻精神百倍，仲變身大笑姑婆不停喪笑，say bye之後都仍然收唔到掣，笑騎騎咁上的士！