陳浩德 葉振棠 李龍基笑談人生 老友鬼鬼四十幾年！

撰文：東方新地｜圖片：東方新地

陳浩德 葉振棠 李龍基笑談人生

65歲的陳浩德、68歲的李龍基，還有73歲的葉振棠三個加埋二百多歲。先是陳浩德，有村長唔做，圍村仔唱到上大舞台，六十歲已經有個年過四十的兒子，兩個女人、各為他生下一子一女，到頭來唯一的妻子，則是相伴二十多年的高爾夫波友。

葉振棠十歲就因為發高燒，眼睛半盲視線模糊，卻從澳門唱到香港，一段婚姻、一個紅顏知己， 一對兒女，還有外孫、內孫好幾個，人生亦算是非常完滿。

李龍基入行前還做過嘉頓技工，親手設計漢堡包灑芝麻機，會唱歌演戲拉小提琴，如今萬大事大不過第二任太太，老有所依，名下中港七個物業全在對方名下，愛妻號一名。

陳浩德 葉振棠 李龍基組開演唱會

早前，陳浩德、李龍基及葉振棠開了三場演唱會，不過這樣的組合開演唱會則是第一次。李龍基認為是他們三人皆唱得好才布此機會。陳浩德指大家互相相識四十幾年，今次剛巧有老細出錢、搵到場地、大家又夾到期，是天時地利人和的造就。

三人當中，葉振棠年紀最大，他表示三人性情夾到、如兄弟一樣，從來不會有妒忌心，指這個年代的年輕人不會如此像他們之間豁達。同時，他說：「八十年代我唱電視主題曲，叫做係最高峰時期，不停登台、錄唱片，永遠都唔會有自己時間剩，咪又係乜都靠自己，邊有唱片公司保母照顧?」

搵錢快 洗錢仲快？

陳浩德：「我買車玩車，同埋買錶買衫！八十年代，警察軍裝入職係千五蚊人工，我唱一兩晚已經係呢個價，一萬幾千容乜易搵到？我就原居民嚟嘅，唔使諗買樓，不過啲錢去得更快！」

李龍基則指登台衫搵專人訂造，出名的師傅一件開價三五萬。他更大爆當年：「買樓一次要兩間，經過間車行，架波子28萬呀？好，要咗佢!同埋我衰大方，晚晚請食飯。去水車屋食日本料理，次次都千幾蚊埋單！」

李龍基仲話：「個個都食我嘅，有乜所謂呢？今日使咗佢，聽日咪搵得番囉!」年輕的他認真夠大方豪氣！

三人自揭感情世界

李龍基說話：「我份人好清醒，風光時揈錢一回事，不過呢啲嘢好清醒。試過同對好出名嘅樂隊一齊去登台，佢哋玩到烏厘 單刀，我就有女衝入房都推番佢出去！」

李龍基與第二任太太結婚逾二十年，人前人後表現恩愛，平時與圈中人聚會，他都會帶同太太一齊出席。李龍基連走埠亦與太太同行，夫婦二人足跡遍布世界各地，羨煞旁人。

至於陳浩德，他指：「我哋唔使去夜總會嘅，唱歌喎，梗係大把靚女黐埋嚟，使乜花錢買感情呢？」

另一邊廂，棠哥三年前身邊紅顏知己于楓因癌去世，他說難過，不過有心理準備:「難捱過事業低 潮，不過係天意，就要接受，習慣一個人。」