朱晨麗曾拍《法證先鋒4》出意外頸椎移位險半癱

Jan 24 2020

朱晨麗拍劇出名拼搏，即使傷痕纍纍仍豁出去勇於挑戰難度，曾在拍攝劇集《法證先鋒 4 》，為求逼真棄用替身，危站 39 樓天台飛身救人，因為太博搞到撞甩手骹，頸椎嚴重移位險半癱，要長期針灸復位治療，受傷面不改容笑著捱苦，朱朱還表現輕鬆：「我夠硬淨！我係鍾意接受挑戰！」受傷病倒，她對父母亦報喜不報憂，孝順女自強拼搏終於成功演出彩虹！

朱晨麗拍《法證先鋒4》出意外險半癱忍痛開工

朱晨麗入行多年獲不少監製賞識，很快由配角當上主角，更因為舞功根柢厚，經常被派演動作演出，硬橋硬馬挑戰難度，不做撒嬌的女人。雖然拍動作戲始終有風險，朱朱一樣勇者無懼，為拍《法證先鋒4》一場天台飛身救人戲，搞到撞甩手骹入院，當時醫生更發現她頸椎嚴重移位，以為她曾經撞車，治療不善更有半癱危機。朱朱話：「雖然痛得厲害，不過，因為唔想阻礙拍攝進度，食住止痛藥，自己又繼續開工，等完成工作，之後再去針灸同啪骨復位治療！」為拍劇傷痕纍纍，不過，她明白機會不等人，珍惜公司給她演出機會，每次投入演出已經忘記傷患：「其實每個演員都有艱難時候，用番啲正能量去面對，諗啲開心嘢，當你好專注一件事嘅時候，根本唔會記得自己有啲乜嘢唔舒服或者傷患，就會全心全意去做好件事！」

朱晨麗樣子甜美又天生好身材，不過朱晨麗卻唔鍾意做花瓶，反而唔介意為演出打到周身傷。 — 樣子甜美又天生好身材，不過朱晨麗卻唔鍾意做花瓶，反而唔介意為演出打到周身傷。

朱晨麗雖然拍劇經常挑戰難度，不過朱晨麗卻感恩多謝公司畀不同機會佢學習，本身就唔想單做花瓶，更珍惜每個機會尋求突破。 — 雖然拍劇經常挑戰難度，不過朱晨麗卻感恩多謝公司畀不同機會佢學習，本身就唔想單做花瓶，更珍惜每個機會尋求突破。

朱晨麗近年拍劇經常被派動作演出的朱晨麗，曾為《法證先鋒 4 》拍攝救人戲，危站 39 樓天台的她，綁住威吔企在天台邊緣遇著大風都有心怯。 — 近年拍劇經常被派動作演出的朱晨麗，曾為《法證先鋒 4 》拍攝救人戲，危站 39 樓天台的她，綁住威吔企在天台邊緣遇著大風都有心怯。

朱晨麗更為求逼真親身上陣，飛身撲下時就撞到甩手骹，接受治療時更發現頸椎嚴重移位。 — 更為求逼真親身上陣，飛身撲下時就撞到甩手骹，接受治療時更發現頸椎嚴重移位。

曾受芭蕾地獄式特訓拍劇大展柔韌身手

朱晨麗當日接拍《特技人》，最初都令人有疑慮，但看過她演出都令人心悅誠服，經常親身上陣大展柔韌身手，如果不是當年學芭蕾舞受過地獄式特訓，可能都未必如此得心應手。朱朱不諱言：「慶幸自己小時捱過苦，在上海學芭蕾舞，未學舞先要特訓，每天做千下sit up、踢腿，還要綁住啞鈴跳繩，柔軟度係咁訓練出嚟。」不過日以繼夜開工搏殺應付特技場面，朱朱身體又響警號，試過全身痙攣暈倒：「因為發燒食咗藥又唔退，突然之間成身抽筋痙攣，當時好多人幫我撥扇、按摩，係由阿Shaun（譚俊彥）抱我上車去醫院，我差啲以為自己會死，好彩當時媽媽啱啱嚟咗香港，佢去醫院照顧我，不過，假如佢唔喺香港，我都唔會話畀佢知，因為唔想佢擔心。」