網民盤點窮L扮有錢人大法：如何月入八千戴勞扮揸跑車住大屋？！

Jul 31 2018

香港唔係個個咬住金鎖匙出世、可以靠父幹從而月入八千買到林保堅尼，但就算生為窮L，總有辦法可以扮吓有錢人喺短暫嘅時光入面得到少許虛榮感啩？！最近，一眾網民就創意大爆發，以「一人一個扮有錢人嘅行為」為題集思廣益。小編就冇咩大志，不過花生就準備好喇，一齊睇下佢哋究竟可以去到幾盡啦！

一人一個扮有錢人嘅行為

好多巴絲打都由日常生活嘅角度出發，扮有錢都離唔開衣食住行，就好似叫麥記餐加大、每日飲Starbucks（甚或每日用Starbucks裝水）咁⋯⋯ 老老豆豆，雖然可能已經比平時豪，但真係太普通了！仲係讀緊書嘅朋友都可以參考一下，但返緊工嘅朋友就要進入下一個層次啦！

再加埋麥記套餐散叫，不拘小節得嚟又帶啲年輕富二代不諳世事嘅天真形象！

開始做嘢，少不免會諗吓土地問題啦！有巴打就話可以扮住私樓，但小編覺得太刻意，反而好似另一位網民所講，間接講吓屋企入面有咩高級設備好似都可行吖！

唉，個個都租樓，唔通個個都想租樓咩？

有網民就有朋友同人講屋企有十三道門，每次去廁所都要行過幾道門，每日嘅運動量竟然大部分嚟自於廁所。咁就可以成功扮到屋企好大又多房喇？又諗得過喎！不過，窮L如小編，成間屋計埋雪櫃門衣櫃門廚櫃門分分鐘都唔夠13道門喎⋯⋯

不過小編覺得最有魄力嘅都係以下呢位巴打！為咗要買隻勞，竟然選擇分期月供，真係喊出嚟！小編真心佩服⋯⋯

小編自己都聽過一件勵志嘅機智故事，傳說有人喺淘寶淘咗幾條車匙返嚟，就帶喺身落蘭桂坊Happy Happy，最後憑住條淘寶車匙同豪請飲酒，成功呃咗唔少囡囡落搭⋯⋯

一齊嚟重溫月入八千買林保堅尼大法：

所謂輸人唔輸陣，共勉之啦各位！

關鍵詞