日本妹豪擲50萬整容 加工21部位 驚變明日花綺羅
廣告
愛美係女人的天性(其實男人都係)，隨著時代變，愈來愈多女性唔介意透過整容執靚個樣。與「整容大國」韓國一岸之隔的日本，雖然社會對整容接受程度不高，但近日有位日本妹公開自己豪花700萬日圓(約50萬港元) 整容的成果，樣子改變極大，仲同知名女優明日花綺羅撞晒樣！
撰文：東方新地｜圖片：Twitter、網上圖片
日本妹豪擲50萬整容
呢位其貌不揚的日本妹，對自己樣貌好唔滿意，於是下定決心要變靚，佢在社交網站上載自己的整容清單，包括兩顎手術、V面塑形、開眼頭、矯正牙齒及削鼻等，共涉21個部位，結果…
搖身一變成女神
結果就係呢位日本妹基本上完全變成另一個人，臉蛋精緻、眼大大鼻高高，絕對係女神級！樣唔同咗不在話下，手術期間佢體重更由54公斤減至41公斤，樣子出眾外，身材都變得更修長… 日本妹表示非常滿意整形結果，更大方分享整形前後對比圖！
自信返晒嚟
日本妹表示對自己呢個決定感自豪，亦令佢重拾自信，不時在社交網站分享自己的靚樣和Cosplay造型。現時有唔少網民向佢查問整容的問題，佢亦熱心地分享自己的經驗和意見。
驚變明日花綺羅？
完成手術後，呢位日本妹無疑成為一位大美女，唔少網民仲覺得佢激似知名女優明日花綺羅(明日花キララ)！不過其實明日花喺日本都出晒名識變樣，多年來愈變愈靚，所以… 你懂的。
