空姐原來有性暗號？ 識呢句通關密語就食得？
廣告
空姐可能係唔少男士們至愛的職業，好多時空姐都係靚女的代名詞，嗰套制服更令人有無限暇想！日前ViuTV就請咗幾位空少，分享佢哋喺天空中的所見所聞。仲大爆原來空少空姐間有暗號… 性暗號呀！
ViuTV節目《又要威 又要戴頭盔》請來幾位空少返黎講講行內秘密，用一個全新的角度大爆天空的秘密！
佢地先提到做空少嘅辛酸：
1. 親戚同屋企人以為會做唔長，覺得佢地讀到大學點解要做派餐，人工又唔多
2. 成日比人誤會無所事事、周圍去旅行
3. 身邊朋友鬧太多假期
不過唔講又真係唔知，原來做空姐空少係唔會幫乘客搬行李，因為如果有損失航空公司係唔會負責，所以好多時佢地都會扮有嘢做，避開「奧客」要求幫手搬行李。
空姐原來有性暗號？
另外有空少大爆天空中有默認的規矩，如果想要搵食就可以喺名牌度痴貼紙，咁就代表可以食得！又或者被人問到就要答通關密語：「hot and spicy」，咁就代表一陣先去酒店飲杯咖啡，深入傾吓偈。因為大家機上好多時都係第一次見，都會驚尷尬唔敢直接問，所以呢兩個動作就最直截了當。
做過空姐空少的網民對就表示未聽過有啲咁嘅事，唔知係真心未聽過，定係扮未聽過？
關鍵詞
空姐
