國泰自抽解決元旦「快閃優惠」 神級公關再解危機！

撰文：東方新地、Louis｜圖片：國泰航空Facebook、instagram

國泰自抽解決元旦「快閃優惠」

話說元旦當日，國泰航空的電腦售票系統就出現輸入錯誤，乘客在網上訂購由美國或越南出發的航班，頭等客艙來回票價連稅竟然是988美元（港幣約$7,706），而商務機位都只需要675美元（港幣$5,265左右），僅正價的5%！雖然國泰航空方面已經即時搶修系統，但仍有部份客人「執到寶」。

時間令人想起去年豐澤也有發生過類似網上系統出錯的事故，不過國泰的神級公關就再一次為世界帶來和平，因在翌日就在官方Facebook專頁以另類方式回應，自抽是「帶著神秘的限時驚喜」，更恭喜成功購票的快閃參與者，再附上類似最近城中熱話的「蘋果廣告製作公司」廣告的煙花背景。

網民激讚

雖然隻字沒有提過是系統出錯，更沒有道歉，不過就Hashtag「 ＃從小就學錯就要認」「#promise made promise kept」。對於國泰「神級關公」的處理手法和找數精神，一眾網民讚口不絕，該貼文不出一個小時就有超過2000個讚，更有大量網民留言表示「今次是PR完美靚抽」、「找數真漢子」，而國泰小編都有逐一回覆，非常有心機啊！

延伸閱讀：

國泰飛機機身印錯公司名

近日，有眼利網民發現國泰飛機上竟印錯公司名，將公司原名Cathay Pacific串錯成「Cathay Paciic」！其後，事件更引來唔少網民瘋狂恥笑！

公關幽默化解

然而，國泰公關直接就喺公司社交專頁發文，承認公司出錯擺烏龍，並標示事件為「期間限定 777 機隊外觀」，仲留言將今次嘅失誤幽默咁轉化成：「特別版向來一瞬即逝。因此她正返回基地重新塗裝。再見！」呢位公關認真轉數夠快！

貼文一出，隨即引嚟好多網民一致讚好，而且亦大讚國泰公關反應夠哂快！

有人就提出叫國泰出一隻特別版模型，不過高轉數嘅公關們就表示物以罕為貴，仲話對得耐就會冇新鮮感，所以要見好就收。

另外，當有網友留言讚呢隊公關團隊反應超快，仲話係做到嘢嘅團隊，之後國泰嘅公關就搞笑回應：「可唔可以Tag埋我老細入黎（嚟）呢？」