李雲迪超索女徒弟李元玲曝光 天使與魔鬼完美混合體!
近日,鋼琴王子李雲迪愛徒、31歲嘅李元玲(Cathryn)紅爆成個網絡,皆因除咗佢來頭唔細之外,呢位鋼琴美女唔止彈得一手好琴,仲要多才多藝、樣靚兼身材勁索爆!
撰文:東方新地|圖片:李元玲Instagram、新傳媒圖片庫
靚身材正 有料勤運動
Cathryn樣靚身材正,平日都好鐘意post啲泳衣相上個人社交網,名副其實有料又怕咩騷出嚟!晒出南半球嘅Cathryn真係睇到唔少人心跳加速呀!
Cosplay神奇女俠:
玲瓏浮凸 靚股長腿索到噴血
呢位鋼琴家女神雖然偏瘦,但身材絕對係玲瓏浮凸,有事業線加埋條馬甲線睇落好似無限伸延咁,再加上纖腰、靚股同長腿,真係索到噴血!
李元玲 Cathryn 煮個麵都特別誘人
呢位靚女除咗不停Po建身照外(詳見下文),最近仲喺抗疫典間示範煮食,一道簡單的「Beef Sausage Spaghetti」,fit爆身材貼身衫,過程完全令人Get錯重點,無人留意到被斬成肉醬的件肉腸仔:
李雲迪超索女徒弟李元玲曝光
這位近日爆紅嘅31歲李元玲來自馬來西亞,係鋼琴王子李雲迪愛徒,同時佢仲有美女鋼琴家之稱,來頭絕對唔細!
話說Cathryn出身自富裕庭,高中畢業後就隨即遠赴英國伯明罕音樂學院深造,而且喺音樂學院推薦下,令佢成功拜入李雲迪門下! 連續幾年喺德國慕尼黑接受師父李雲迪指導,有琴技就一梗嘅!不過,最煞食都係Cathryn個火辣身材啦!
身高170cm嘅Cathryn體重只得45kg,而體脂更只有12%!無論係體重定體脂數字,都睇到唔少網友嘩嘩聲!
除咗前面好有睇頭,其實女神背後都仲有條長線,就係背脊條線!真係肥啲都見唔到背脊呢條線呀!
不過,唔好以為Cathryn身材咁好係天生嘅,皆因佢平時得閒都會去做下gym,練身型! 另外,Cathryn事實上仲係個多才多藝嘅人,除咗彈鋼琴了得,芭蕾舞都係佢其中一個強項!難怪咁有體態美!
被發掘入行
Cathryn嘅IG仲有超過二百萬追蹤者,可謂係個網絡大紅人!紅到咁,Cathryn亦都喺機緣巧合下被范冰冰嘅助理發掘,進入演藝圈,並曾到香港發展,參演由張家輝執導嘅電影《盂蘭神功》及錢國偉嘅《辣警霸王花》等!