芷珊約您|鍾鎮濤拒絕溫拿援手 自力更生 經濟困境背後真相大公開
由黎芷珊主持的全新節目《澳娛綜合呈獻:芷珊約您》昨晚(21 日)開始逢星期日晚上 9 點半翡翠台播映。向來擅長主持訪談節目的芷珊,這次將挑戰難度推出紀錄式訪談節目,並廣邀在樂壇舉足輕重的 7 位代表人物/組合,貼身直擊 7 個不同風格的世界巡迴演唱會。
第一集為《芷珊約您》打響頭炮的嘉賓,是已經在樂壇屹立了五十年、由譚詠麟(阿倫)、鍾鎮濤(阿 B)、陳友、彭健新及葉智強組合而成的溫拿樂隊,芷珊除了直擊五人在澳門的告別巡唱綵排及上台前的關鍵時刻外,還跟五子到吉隆坡見證他們連串告別巡場宣傳活動。溫拿屹立多年,最為人津津樂道的除了是一首又一首的名曲外,還有五人的兄弟情。五子之中,由於阿倫及阿 B 較受歡迎,二人在溫拿出道不久已獲各方邀請作單飛發展,為了顧及其餘三位好兄弟而一直未有行動;陳友接受芷珊單對單訪問時便娓娓道來溫拿為何在 1978 年時決定嘗試各自發展,陳友說:「嗰兩個靚仔小鮮肉好多人搵佢哋獨立發展架嘛,咁你走咗隊band 點呢?我覺得佢哋有難處嘅,咁我哋三個(陳友、健仔及智強)咪商量話不如停吓,各有各做啲嘢先啦,幾年後睇吓係咪再聚埋啦,唔通三十歲仲彈結他咩,係咪應該搵啲自己各自嘅事業呢?大家好兄弟,有啲嘢唔好等佢講,大家明吖嘛。」聽落極度窩心,亦因為這樣,溫拿建立了每隔五年便聚在一起開騷的傳統。
芷珊再追問陳友見到同隊有其他隊員更受歡迎會否感到唏噓時,陳友說:「睇你執咗咩籌,咁你執咗支打鼓籌,你咪認住支打鼓籌。唱歌嘅係 front man,一定要有咁嘅條件,就係睇起上嚟好舒服、可以吸引到萬千擁躉嘅。自己要問番自己有冇呢啲條件先?我覺得我後生嗰時就冇(呢啲條件)嘅。」芷珊還追問了阿倫與阿 B 的樂迷會否不和,對此阿倫即收起一貫的頑皮嚴肅謂:「我哋會教導佢哋,我哋係一隊 band 嚟,鍾意我要愛屋及烏。」阿 B 則謂:「跟咗好多年嘅 fans,就冇分鍾意邊個邊個架喇。」
![對於阿倫同阿 B 獲得更多嘅關注同發展機會,陳友睇得好開。(圖片來源:TVB)](https://imgs.orientalsunday.hk/wp-content/uploads/2024/04/06_4516256186625e385bbb21.jpg)
無所不談的五子,提到阿 B 2002 年面對經濟難關時,阿倫坦言當時其餘四子都想盡辦法想幫阿 B 度過難關:「我哋成班有諗過不如我哋開演唱會同佢搞掂佢啦,但阿 B 就話唔使。」阿 B 在旁即接著說:「發生咗事情就面對啦,佢哋係好有心
![阿 B 大方分享當年面對經濟難關嘅正面心態。(圖片來源:TVB)](https://imgs.orientalsunday.hk/wp-content/uploads/2024/04/12_10776199206625e3866c661.jpg)
想幫我呢件事,但我自己嘅事應該自己承擔,就算係幫我,都冇理由佢哋咁辛苦嚟幫我。」五子互相的扶持及體諒,配以芷珊「好兄弟無須多講,永遠都係互相支持」的旁白,煞是感人。
![溫拿無論係五子之間抑或同歌迷之間,大家嘅情誼都係好似歌詞一樣千載不變。(圖片來源:TVB)](https://imgs.orientalsunday.hk/wp-content/uploads/2024/04/05_4695059166625e386f29f8.jpg)
有溫拿的地方,就有美食和歡笑。五子受訪時大談當年奀皮事件,原來阿倫及陳友曾因一時貪玩大玩自殘遊戲,結果兩敗俱傷。陳友說:「我同阿倫每人一嚿拳頭咁大嘅芥辣,然後一齊啪入口唔准飲水!」阿倫說:「大家咪互望,總之有任何反應就輸!」陳友再說:「我嗰晚好辛苦,個胃轉嚟轉去,見阿倫冇打嚟以為佢冇事,點知第二朝見到佢塊面黃晒。」阿倫沒好氣謂:「我嘔到黃膽水都出埋嚟。」阿倫又大爆智強與陳友相當爛瞓,其中有次因擔心昏睡不醒的阿強有事,驚動酒店職員幫忙開門,豈料阿強不但瞓得好稔,更連被開著的燈「Cup」住整塊臉也渾然不覺,十分搞笑。