46歲前TVB綠葉自爆月薪只得呢個數人工低到要靠借錢生活

羅天池自爆加入TVB後月薪

羅天池完成學業後加入了TVB，首部作品是古裝劇《皆大歡喜》，不過當時只飾演無對白的角色。兩年後羅天池報名藝員訓練班，不過人工就超低：「我啱啱入TVB，第一個月人工係$1000，你冇聽錯，真係1000蚊！點解呢，因為嗰陣時我哋讀訓練班，頭三個月每個月就係得$1000嘅啫。」更有網民留言問咁前幾個月時表示都有沒有前交租同吃飯時，羅天池則表示：「借住先。」

TVB 羅天池早前拍片大談喺TVB的人工。（圖片來源：小紅書@羅天池） — 羅天池早前拍片大談喺TVB的人工。（圖片來源：小紅書@羅天池）

訓練班結束後，羅天池開始參與實習演出：「跟住第四個月我哋就開始做實習，開始做『茄喱啡』，我哋要演繹好多唔同嘅角色啦，之後我哋冇問題，導師覺得你可以，行為良好，冇早退冇遲到，就會合格。合格之後你就會得到TVB合約一份，跟住你就會每個月人工係$6000。」羅天池更在片尾問：「咁你覺得呢6000蚊喺香港夠唔夠使呢？」連2014年的港姐楊埕都留言稱：「我係年薪$6000。6 show。」

TVB 羅天池仲透露埋簽咗TVB的正式合約之後的人工。（圖片來源：小紅書@羅天池） — 羅天池仲透露埋簽咗TVB的正式合約之後的人工。（圖片來源：小紅書@羅天池）

TVB 2014年的港姐楊埕都留言自爆喺TVB時的年薪。（圖片來源：IG@yeungchinggg.terra） — 2014年的港姐楊埕都留言自爆喺TVB時的年薪。（圖片來源：[email protected]）

羅天池曾「窮到燶」靠借錢生活

羅天池在2003年的日子過得十分艱辛，更透露曾遇上經濟困難：「嗰段時間出糧出好少，非常少都係出底薪。冇晒錢，我揸電單車都唔知點出門，真係$1都冇，我唔係講笑真係$1都冇嗰種狀態。」羅天池更自爆有一次他因為沒錢支付隧道費，甚至直接衝過收費站：「一衝出去就嘟嘟聲。」後來羅天池需向張雪芹借錢解決困境：「佢（張雪芹）借咗$200畀我，拍完幾場戲，我就返去交返啲錢。嗰幾蚊雞，冇就係冇。」

TVB 羅天池最潦倒時連隧道費都畀唔起。（圖片來源：YouTube@TVB娛樂新聞台） — 羅天池最潦倒時連隧道費都畀唔起。（圖片來源：YouTube@TVB娛樂新聞台）

TVB 羅天池甚至要向張雪芹借錢。（圖片來源：TVB） — 羅天池甚至要向張雪芹借錢。（圖片來源：TVB）

TVB 楊埕表示6場show加埋年薪只得$6000。（圖片來源：IG截圖） — 楊埕表示6場show加埋年薪只得$6000。（圖片來源：IG截圖）

羅天池靠身手獲黃子華青睞

隨後羅天池在TVB的戲份逐漸增多，更參演多部劇集，包括《畢打自己人》、《天天天晴》和《愛．回家》。在《愛．回家》中，他飾演的「黃茂登」一角深受觀眾喜愛。不過後來羅天池投資開設酒吧和製作公司失敗，亦因此債務纏身：「真係低谷到會畀人追債，好頭痕點樣撲水，亦都有同朋友決裂，好多嘢發生。」離巢後羅天池將興趣轉向武術，精通舞獅、搏擊、空手道、柔道、飛刀、泰拳和MMA的羅天池仲轉型做武術指導。亦曾為黃子華主演的《乜代宗師》、任達華主演的《爺們》，以及ViuTV劇集《詭探》擔任動作指導。