《死侍與狼人》上小薯茄宣傳講冷笑話 本色演出句句爆笑（有片）

死侍與狼人上小薯茄講雪櫃冷笑話

從7月初開始，Ryan Reynolds和Hugh Jackman已經踏遍了上海、首爾、柏林、倫敦及巴西等多個城市，並計劃最後前往美國。他們的足跡遍布世界各地，不遺餘力地推廣這部期待已久的電影。在香港，Ryan Reynolds和Hugh Jackman就與YouTube頻道小薯茄合作講冷笑話！

影片中，Ryan Reynolds發揮死侍抵死性格，展現了他的幽默感，與童童說了一個阿婆去銀行的冷笑話，而Hugh Jackman就與朱mic在身後給出反應，雖然最後大家都有笑給了5分，但Hugh Jackman就表示本來只想給一分。Ryan Reynolds更立即死侍上身恐嚇狼人！

網民大讚小薯茄已達國際級！

網民都非常驚訝小薯茄勁到請到Ryan Reynolds和Hugh Jackman到頻道中，大讚小薯茄已經是國際級頻道「小薯茄已達國際級」「真心替小薯茄高興」「荷里活級演技嘅冷笑話 真係好強勁」「巨癲，搵埋佢地講冷笑話」「國際笑話」「癲過上次雷神」「雪櫃天花板有狼人同deadpool」「oh my god 連 ryan reynolds 都搵到」「係咪有史以來第一個英文冷笑話」「仲要係死侍本色」

林峯自嘲最環保男藝人

林峯在第464集《雪櫃冷笑話》中，帶來「有邊位男藝人係最環保呢」為題的冷笑話，眾人聽到問題後都搖頭話唔知，齊齊等林峯開估。而林峯就指住自己，仲話：「答案就係林峯」，因為「玉樹臨風（育樹林峯），保育個育。」令在場的成員笑到爆，仲紛紛將比分紙揭去5分！

林峯表情十足，問了一條「邊個男藝人最環保？」IQ題，結果全場無人識回應⋯⋯

鄭秀文Sammi首次現身《雪櫃冷笑話》

鄭秀文（Sammi）近年喜歡與後輩合作，今次首次上小薯茄的《雪櫃冷笑話》，當然要有準備啦！雖然呢日麗英缺席，仍有阿J、童童與一眾小薯茄成員撐場，場面總算熱鬧，Sammi一開始就好冷靜咁講：「鄭秀文跑步，估一個男藝人嘅名」。

鄭秀文Sammi出題後 現場靜過太空

鄭秀文（Sammi）出題後，一眾小薯茄成員靜晒，有人你眼望我望，亦有人在忍笑，看來就算知道答案都唔敢大聲叫出來。

鄭秀文Sammi自問自答 全場O嘴

最終由Sammi自問自答，做埋動作扮跑步，並講出答案是吳鎮宇(唔震乳)，Sammi的演繹真係好鬼馬，謎底揭開後，童童等人即O嘴大叫，阿J話大家都唔敢俾分，Sammi笑到反白眼，仲面都紅晒講咗聲「喂！好唏噓呀！」

古天樂都講過「雪櫃冷笑話」