LOONG9成員變動！突發宣布分拆發展！洪欣兒子張鎬濂成功入團

Loong9 成員變動！新增三人專注內地活動

新增成員並不是根據決賽排名，新增成員後方便分拆成兩團在不同地區活動，官方聲明指出：「今後，Loong9-S將立足中國內地輻射亞洲地區；Loong9-V將立足於中國香港輻射亞洲地區。我們將打破傳統限定意義，以S隊、V隊的雙重形式，繼續站在舞台上發光發熱，請大家多多期待吧。感謝一直以來支持Loong9的粉絲朋友。」

張鎬濂、郭殿甲、陳鑫昊成功入團

目前未知根據哪個標準選擇新入團成員，新加入3位成員分別係第11位張鎬濂、第12位郭殿甲、第15位陳鑫昊，並以「Loong9 非限定團成員」的身份參與一切組合活動，並將分為「Loong9-S」、「Loong9-V」兩隊，Loong9-S將中國內地地區活動；Loong9-V將於中國香港亞洲地區活動。

Loong9-S 成員：奧利、李權哲、江信熹、梁詩煜、白子奕、陳梁、張鎬濂、郭殿甲、陳鑫昊

Loong9-V 成員：奧利、李權哲、冼靖峰、江信熹、梁詩煜、白子奕、文佐匡、黃奕斌、陳梁

香港代表冼靖峰、文佐匡、黃奕斌撥入「Loong9-V」，官方說法係「立足中國香港輻射亞洲地區」

總決賽晚上，18強未能入圍LOONG9的選手包括：尹俊嵐、趙天翼、張鎬濂、陳鑫昊、金東彬、黃輝雄、郭殿甲、譚奕天、林士元

網民回應：新加入3個新成員更好！

對於這個變動網民普遍收貨，留言分析利弊：「觀眾角度覺得咁樣加入3個新成員會更好，尤其殿甲佢的確係非常有舞台表演魅力組合變成12個唔理佢如何分兩隊實力都變強咗，強強聯手期待有更好嘅表演俾觀眾，觀眾都值得睇更好嘅嘢！」、「唔講以為係手提電話型號」

香港成員持續被批評：我想見郭殿甲

對於香港代表冼靖峰、文佐匡、黃奕斌撥入「Loong9-V」，香港觀眾似乎都有微言：「不如9V 剩係係TVB 廠內活動吧，我鐘意9S 好多law，我希望在香港能見到殿甲的風采」、「即係嗰三件香港仔夾硬做馬入到去但係大陸唔收貨根本上面佢哋都冇市場好心tvb唔好咁肉酸啦搞場大龍鳳咁樣嚟收尾搞多幾次中年好聲音好過啦」