床哥直播痛批出軌行為句句公道妻子釘姐感動：聽哭100億人

床哥痛批婚內出軌直指偷食好嘔心

JFFT床哥昨晚（24日）在《床哥心事台》開直播時亦提到有關出軌議題，床哥狠批出軌的男性是忘記了太太辛勞、失去了最基本的同理心，更狠批出軌行為好嘔心：

「點解會咁容易沉淪係第三者，因為第三者只需要照顧你嘅性需要，只係出去食好嘢，真係好膚淺，全程只需要點樣去Happy。但係點解你唔諗吓你屋企嘅老婆，佢要照顧你生活所需，你小朋友嘅學業、日常，顧你老爺奶奶，點解好多人都唔記得呢啲嘢呢？我哋做人，如果唔記得自己另一半係點樣捱過嚟，我哋唔配做一個人。」

床哥床哥在昨晚（24日）直播激動痛批婚內出軌，句句公道！（圖片來源：YouTube@JFFLive） — 床哥在昨晚（24日）直播激動痛批婚內出軌，句句公道！（圖片來源：YouTube@JFFLive）

「一個女人願意為你生個小朋友，其實好難，佢係過程中放棄咗幾多嘢就係為咗成全你。我哋唔好話一個照顧者好容易做，你試下一個男人全程喺屋企啲做個細路，好多人都即刻收皮，好多人都忘記當初嘅情緒、當初嘅唔容易，真係好唔應該。」

「唔得，你話當初真係未玩夠，呢啲都唔係藉口。當你決定要結婚，生小朋友，建立一個家庭嘅時候，你就有義務去對抗一切誘惑，如果唔係當初結婚嚟做乜。每次見到呢啲新聞都覺得好嘔心。」

床哥床哥一直出名係愛妻號兼好爸爸。（圖片來源：IG@bedgor_littleworld） — 床哥一直出名係愛妻號兼好爸爸。（圖片來源：IG@bedgor_littleworld）

網民都大讚床哥言論公道

不少網民聽完床哥對出軌的看法之後，大家都紛紛留言大讚床哥言論公道，能夠在男人口中聽到此言論覺得好難得：「呢條片應該要send晒俾咁多偷緊食嘅男人睇」、「從來無聽過床哥唔知知佢乜背景呢席話後真心要支持佢👍🏻希望唔好令大家失望」、「睇呢條片會喊到隻狗咁並唔係因為覺得女人好可憐/ 自憐而係呢份同理心係出自一個男人把口，好難得」、「床哥生存能力max」。

雖然有網民認為床哥會咁樣講純粹為蹭流量，但亦有網民認為床哥本身係出名嘅愛家好男人：「床哥都經歷咗好多先有今日既美好家庭所有野都得來不易珍惜身邊個位係你最折磨時仍然係你身邊既人」、「啲人話床咩道德高地🤣但佢對屋企真係100% 對外人幾賤都好，但一定要對自己屋企人好」等。