樹人Groot最後對白解讀 蜘蛛俠即興演出催淚一幕
廣告
《復仇者聯盟3：無限之戰》上映兩星期，票房瘋狂破紀錄，相信大部分有興趣睇的朋友都已經入場欣賞，小編都唔怕劇透了！電影末段不少角色灰飛煙滅，包括備受歡迎的樹人Groot和蜘蛛俠。其中Groot對Rocket講出最後一句對白「I am Groot…」，原來別有動人意義…
撰文：東方新地｜圖片：電影劇照、截圖
《復仇者聯盟3：無限之戰》
Marvel磨劍十年大作《復仇者聯盟3：無限之戰》，雲集史上最多超級英雄一次過晒冷，與終極反派「魁隆」(Thanos)首次正面交鋒，對影迷來說已經唔係一套戲咁簡單，簡直係一項世紀盛事！
樹人Groot最後對白解讀
入咗場的朋友都知道，電影尾段Thanos成功集齊六顆無限寶石，彈指間將全宇宙一半生命消滅，不少重要角色灰飛煙滅，包括好可愛好愛歡迎的樹人Groot。Groot臨消失前對火箭浣熊Rocket講出遺言「I am Groot…」 近日《銀河守護隊》系列導演James Gunn在Twitter透露，原來呢句話係代表「爸爸」！
之前有睇開《銀河守護隊」的朋友都知道，小樹人Groot係由首集《銀河守護隊》的「樹人」壯烈犧牲後而誕生，之後Rocket一直擔任著Groot的監護人角色，二人感情深厚，Groot心底早已將Rocket當作爸爸看待。
蜘蛛俠即興演出催淚一幕
另一位觀眾非常不捨的相信係蜘蛛俠！片末蜘蛛俠不如其他角色無聲的消失：「Mr Stark, I don’t feel so good…」說畢驚慌地倒向如同自己爸爸的Iron Man，哽咽道「I don’t wanna go… I’m sorry」之後難逃灰飛煙滅。呢一幕實在令萬千粉絲心碎！
原來為了保密，蜘蛛俠Tom Holland(本身係出晒名的劇透豬隊友) 拍攝前並唔知道角色的最終結局，而「I don’t wanna go… 」呢一句更是其即興對白！難怪《復仇者3》導演都對Tom的演出讚不絕口！
